Aq ulpa aýyzǵa, murynǵa kirip túshkirtip, pysqyrtyp, júrgizbegenimen qoımaı ashyq terezelerden úılerge de qaptap ketedi. Osyndaı jaman aǵashtardy jergilikti bılik qala kóshelerine adamdardyń jaǵdaıyn oılamaıtyn Keńestik zamanda ekken, biraq sony tolyq qurtýǵa áli eshkim mán bermeı keledi.
Terektiń ulpasynyń taǵy bir úlken qaýpi – úıilip jatqan ony bala-shaǵa tutatyp jiberýge qushtar. Úlkender qansha aıtsa da qoımaıtyn balalar ulpanyń jalyndap, tez janǵanyn qyzyqtap, oınaǵysy kelip turady. Osyndaı bir oıyn keshe qaladaǵy «Severnyı» sýpermarketin otqa oraı jazdady. Jedel jetken órt sóndirý qyzmeti bes qabatty úıdiń birinshi qabatyna ornalasqan úlken dúkenniń barlyq alýshylary men satýshylaryn jáne úıdiń ústińgi qabatynan 17 adamdy evakýasııalap úlgerdi. Sonyń ishinde 5-ýi bala. О́rttiń shyǵý sebebin mamandar jertóledegi qoımanyń esiginiń aldyna jınalyp qalǵan terektiń ulpasyna bireýlerdiń ot berýinen shyqqan dep aldyn ala boljap otyr.
Áıteýir ottan zardap shekkender men sheıit bolǵandar joq. Dúkenge kelgen shyǵynnyń esebi áli shyǵarylmaǵan. TJ departamenti bastyǵynyń orynbasary Nurlan Atyǵaevtyń aıtýyna qaraǵanda tez janatyn osy zattyń qaýpi zor. Tutatylǵan jerine jel tursa onyń oty joǵarydaǵy páterlerge de kóterilýi múmkin eken. «Sondyqtan ony jaǵatyndarǵa qatań tıym salyp, balalardyń onymen oınaýyna jol bermeý kerek», dedi maman.
PETROPAVL
