2013 jylǵy 1 qazan, Astana, Úkimet úıi
«I-a sanatty «Astana-Petropavl» jalpy paıdalanymdaǵy respýblıkalyq mańyzy bar avtomobıl jolynyń
«Astana-Shýche» 18+772 km – 230+250 km ýchaskesin aqyly negizde paıdalaný týraly» Qazaqstan Respýblıkasy Úkimetiniń 2013 jylǵy 30 sáýirdegi № 429 qaýlysyna ózgerister men tolyqtyrý engizý týraly
Qazaqstan Respýblıkasynyń Úkimeti qaýly etedi:
1. «I-a sanatty «Astana-Petropavl» jalpy paıdalanymdaǵy respýblıkalyq mańyzy bar avtomobıl jolynyń «Astana-Shýche» 18+772 km – 230+250 km ýchaskesin aqyly negizde paıdalaný týraly» Qazaqstan Respýblıkasy Úkimetiniń 2013 jylǵy 30 sáýirdegi №429 qaýlysyna mynadaı ózgerister men tolyqtyrý engizilsin: 1-tarmaqta:
1) tarmaqsha mynadaı redaksııada jazylsyn:
«1) I-a sanatty «Astana-Petropavl» jalpy paıdalanymdaǵy respýblıkalyq mańyzy bar avtomobıl jolynyń «Astana-Shýche» 18+772 km – 230+250 km ýchaskesi (budan ári – aqyly jol (ýchaske) aqyly negizde paıdalanylady;»;
mynadaı mazmundaǵy 1-1) tarmaqshamen tolyqtyrylsyn:
«1-1) balamaly jol: «RF shekarasy (Ekaterınbýrgke) – Almaty» respýblıkalyq mańyzy bar avtomobıl jolynyń «Astana – Atbasar» ýchaskesi, «Kókshetaý – Atbasar» respýblıkalyq mańyzy bar avtomobıl jolynyń «Atbasar – Zerendi» ýchaskesi», «Shýche – Zerendi» respýblıkalyq mańyzy bar avtomobıl joly arqyly júrip ótý júzege asyrylýy múmkin;»;
2) tarmaqsha mynadaı redaksııada jazylsyn:
«2) aqyly joldyń bastapqy pýnkti – 18+772 km, aqyly joldyń sońǵy pýnkti – 230+250 km;»;
3) tarmaqshanyń birinshi abzasy mynadaı redaksııada jazylsyn:
«3) aqyly joldyń (ýchaskeniń) basqa avtomobıl joldarymen qıylysýlar jáne basqa avtomobıl joldaryna qosylýlar tizbesi:»;
4) tarmaqshanyń birinshi abzasy mynadaı redaksııada jazylsyn:
«4) aqyly joldyń (ýchaskeniń) tehnıkalyq synyptamasy – I-a sanaty, aqyly joldyń (ýchaskeniń) negizgi parametrleri:»;
5) jáne 6) tarmaqshalar mynadaı redaksııada jazylsyn:
«5) aqyly joldyń (ýchaskeniń) uzyndyǵy – 211 km 478 metr;
6) aqyly avtomobıl joly arqyly júrip ótý úshin tólem stavkalary osy qaýlyǵa qosymshaǵa sáıkes aıkyndalady;»;
8) tarmaqsha mynadaı redaksııada jazylsyn:
«8) aqyly joldy (ýchaskeni) aqyly negizde paıdalaný merzimi – 20 jyl dep belgilensin.»;
kórsetilgen qaýlyǵa 1-qosymsha osy qaýlyǵa qosymshaǵa sáıkes jańa redaksııada jazylsyn.
2. Osy qaýly aqyly avtomobıl jolymen (ýchaskesimen) júrip ótý úshin tólem stavkalarynyń 1-tarmaǵy kestesiniń 2014 jylǵy 1 shildeden bastap qoldanysqa engiziletin 9-baǵanyn, aqyly avtomobıl jolymen (ýchaskesimen) júrip ótý úshin tólem stavkalarynyń 2013 jylǵy 1 qazannan bastap qoldanysqa engiziletin 2-tarmaǵyn qospaǵanda, alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkmetiniń 2013 jylǵy 1 qazandaǵy
№1039 qaýlysyna qosymsha
Qazaqstan Respýblıkasy Úkimetiniń 2013 jylǵy 30 sáýirdegi
№429 qaýlysyna qosymsha
Aqyly avtomobıl joly (ýchaskesi) boıynsha
júrip ótý úshin tólem stavkalary
1. I-a sanatty «Astana-Petropavl» jalpy paıdalanymdaǵy respýblıkalyq mańyzy bar avtomobıl jolynyń «Astana – Shýche» 18+772 km – 230+250 km ýchaskesi:
teńge
Aımaqtar Aýdandar
2 bilikti jeńil avtokólikter 16 orynǵa
deıingi avtobýstar jáne júk kótergishtigi 1 tn joǵary 2,5 tn deıin 2 bilikti júk avtomobılderi 32 orynǵa deıingi avtobýstar jáne júk kótergishtigi 5,5 tn deıin 2 bilikti júk avtomobılderi 32 orynnan asatyn avtobýstar jáne júk kótergishtigi 10 tn deıin 2 bilikti avtopoezdar Júk kótergishtigi 10 tn joǵary 15 tn deıingi 3 bilikgi júk avtomobılderi Júk kótergish tigi 15 tn joǵary kóp osti, onyń ishinde tirkelgish jáne ershikti tartqyshtar
Jer-gilikti kólik tran-zıt
1 2 3 4 5 6 7 8 9
1. Shortandy (66 km) 30 60 310 650 950 1300 1500
2. Aqkól(51 km) 30 50 250 500 750 1000 1250
3. Bulandy (22 km) 10 20 100 220 320 440 600
4. Eńbekshilder (46 km) 20 50 210 460 680 920 1250
5. Býrabaı (26,5 km) 10 20 130 270 400 540 600
Bir baǵyttaǵy barlyq marshrýt boıynsha jıyny 100 200 1000 2100 3100 4200 5200
Tirkelmegen avto-kólik quraldary 250 1200 2500 3700 5000 6200
Eskertpe*.
1) tirkelmegen avtokólik quraldary – memlekettik tirkeý nómirlik belgileri joq jáne/ nemese ol týraly málimetter Qazaqstan Respýblıkasy IIM tirkelgen kóliktiń biryńǵaı aqparattyq júıesinde joq avtokólik quraldary;
2) jergilikti kólik – bir aýdan sheginnen tys qozǵalý kezinde jalpy paıdalanymdaǵy respýblıkalyq mańyzy bar aqyly avtomobıl jolyna (ýchaskesine) irgeles ákimshilik-aýmaqtyq birlikte (oblystyń aýdany) belgilengen tártippen tirkelgen avtokólik;
3) tranzıttik kólik – jalpy paıdalanymdaǵy respýblıkalyq mańyzy bar aqyly avtomobıl jolyna (ýchaskesine) irgeles ákimshilik-aýmaqtyq birlikte (oblystyń aýdany) belgilengen tártippen tirkelmegen kólik.
2. Eki bilikti jergilikti jeńil kólikter úshin eki baǵyttaǵy barlyq marshrýt boıynsha kúntizbelik 365 kúnge 1000 teńge kóleminde júrgeni úshin abonenttik tólem tólenýi múmkin.
3. Aqyly avtomobıl jolymen (ýchaskesimen) júrip ótý úshin tólem stavkalarynyń 1-tarmaǵy kestesiniń 9-baǵany qoldanysqa engizilgenge deıin júk kótergishtigi 15 tn. joǵary kóp bilikti júk avtomobılderi, onyń ishinde tirkemeli, ershikti tartqyshtar aqy tóleýdi aqyly avtomobıl jolymen (ýchaskesimen) júrip ótý úshin tólem stavkalarynyń 1-tarmaǵy kestesiniń 8-baǵanynda belgilengen tólem stavkalary boıynsha júrgizedi.
