Batys Qazaqstan oblysynyń keıbir turǵyndary áli kúnge deıin oblys ákimi Nurlan Noǵaevty júzbe-júz bilmeıtin bolyp shyqty. Tipti suralǵandar arasynda aımaqtyń nómiri birinshi azamatynyń atyn esterine túsire almaǵandar bar. Bul týraly NUR.KZ saıty habarlady.
«Degenmen, eldiń keıbiri ákimniń aty-jónin bilmese de, onyń sılýetin jaqsy tanıdy eken. Al elimizdegi aımaq ákimderiniń jumys barysyna baǵa bergen uıym reıtıngisiniń sońǵy málimdemesi boıynsha, Nurlan Askaruly 16 ákimniń ishinde 14-orynnan tóbe kórsetken», - delingen onda..
«Noǵaevtyń júzin kórýdi armandaǵan» jýrnalıster ákimniń qaǵaz beınesin (sýrette) qalaǵa alyp shyǵyp, halyqpen kezdesý ótkizbek bolǵany kópshiliktiń áli esinde. Jergilikti buqaralyq aqparat quraldarynyń ókilderi sol kezge deıin ózderimen bir ret te kezdespegen oblys ákimin osylaısha silkindirmek bolypty. Olardyń munysynan aqyry nátıje de shyqty. Ákim Nurlan Noǵaev aqyry qalam ustaǵan aǵaıynnyń aldyna keldi. Qaıta. Osy oqıǵadan keıin jurt óz ákimderine nazar aýdara bastaǵan sııaqty.
Al «Saıasat monıtorıng» uıymy júrgizgen oblystar ákimderiniń reıtınginde Batys Qazaqstan oblysynyń ákimine tanymaldyǵy men bedeli jaǵynan 14-shi oryn berildi. «Biraq on alty ákimniń on tórtinshisi bolǵanyna Noǵaev myrza renjimeıdi», - dep jazady osyǵan oraı saıt tilshisi.
«Men endi tańerteń turyp alyp, «Saıasat.kz» nemese basqasyn qarap, «anaý ne dedi eken, mynaý ne dedi eken» dep bireýdiń mazasyn alyp otyratyn bolsam, onda mende jumys júrmeıdi», - deıdi Batys Qazaqstan oblysynyń ákimi Nurlan Noǵaev.
Jáne onysy da ras.
Qurysh Nurymbet.
