Reseı musylmandary Ortalyq rýhanı basqarmasynyń Bas múftıi Talǵat Tájýddın sońǵy 20 jyldyń ishinde Reseıde jeti myńnan astam meshit ashylyp, jeti Islam ýnıversıteti qurylǵanyn aıtty. Bul týraly TATPRESSA.RU saıty habarlady.
Reseı musylmandary Ortalyq rýhanı basqarmasynyń qurylǵanyna 225 jyl tolýyna oraı qazan aıynyń orta tusynda Ýfada uıymdastyrylǵaly otyrǵan saltanatty jıynǵa daıyndyq barysynda Talǵat Tájýddın: «Meshitter Allaǵa senetin qarapaıym adamdardyń, túrli deńgeıdegi atqarýshy oryndardyń qoldaýymen salynýda. О́z erikterimen meshit salyp berip jatqan kásipkerler kóp. Tipti, hrıstıan dinin ustanatyn bir adam óziniń rızalyǵymen meshit salyp, jamaǵattyń ıgiligine usyndy», – dedi.
Joldybaı Bazar
