Soltústik Qazaqstan oblysynyń Jambyl aýdanynda aýdandyq prokýratýranyń kámelettik jasqa tolmaǵan balalardyń quqyǵyn qorǵaý boıynsha utqyr toby mektepterdiń biriniń muǵalimin jaýapkershilikke tartty. Bul týraly Soltústik Qazaqstan oblysy qadaǵalaý organynyń baspasóz qyzmeti habarlady.
Prokýratýra qyzmetkerleriniń málimdeýinshe, K. Ásimjanova degen muǵalim algebra sabaǵynda oqýshylardyń kóz aldynda bir oqýshynyń kekilin qaıshymen qıyp, mańdaıyna qalammen «Ekige oqıtyn bala» dep jazyp qoıǵan. Jáne ony óshirmeýge buıryq bergen.
«Osy jaǵdaıdan keıin bala keshki 9-ǵa deıin aýyldan 1,5 shaqyrym jerdegi ormanda júrgen. О́ziniń bul áreketin ol synyp jetekshisinen qorqyp, mektepke barǵysy kelmeıtindigimen túsindirgen», - dep habarlady baspasóz qyzmetinen.
Oqýshylar prokýrorlarǵa osy oqıǵadan keıin eki kúnnen soń synyp jetekshisiniń bolǵan jaǵdaı týraly olardyń eshkimge tis jarmaýy týraly suraǵanyn aıtqan. Ol úshin oqý jylynyń birinshi toqsanynda algebra páni boıynsha bárine «bes» qoıýǵa ýáde bergen.
Aýdan prokýrorynyń uıǵarymyna sáıkes, muǵalimge «Eńbek kodeksiniń» talaptary qoldanylyp, ol jumystan shyǵarylǵan. Dál sol kúni Baýman orta mekteptiń dırektory K.Qarabaeva da qyzmetinen alynǵan.
Qurysh Nurymbet.
