Monıtorıngtik top bul joly Bostandyq aýdanynyń aýmaǵyndaǵy 17 kásipkerlik sýbektisin tekserdi.
Olardyń arasynda: «Mımıno», «Del papa», «Party Pizza», «Hachapýrı ı Vıno», «Sýshı Raı», «Hachapýrı» meıramhanalary; «Marokko», «MaMı» sulýlyq salondary; «Raýshan», «Shaǵynmarket», «Móldir», «Magnıt» azyq-túlik dúkenderi; «Tıramısý» kondıterlik dúkeni; «Akvastars» sporttyq-saýyqtyrý basseıni; Mon Amie SÚ; Kaspi bank bólimshesi; «Evrofarma» dárihanasy bar.
Tekserý barysynda eki nysannan – «Raýshan» azyq-túlik dúkeni men «Mımıno» meıramhanasynan maska taǵý rejıminiń oryndalmaýy, teplovızorlardyń joqtyǵy men áleýmettik qashyqtyqtyń saqtalmaýyna qatysty tártip buzýshylyqtar anyqtaldy. Soǵan baılanysty tıisti túsindirmeler men keńester berildi. 
Monıtorıngtik toptar jumysyn bastaǵaly qalada barlyǵy 2 167 nysan tekserildi, olardyń 125-de Almaty qalasynyń Bas memlekettik sanıtar dárigeriniń qaýlysynda bekitilgen talaptardyń buzylǵany anyqtalǵan. Osyǵan baılanysty, 69 nysannyń (onyń ishinde 56-sy nysan basshylyǵynyń sheshimimen) jumysy toqtatylyp, nysandarda óreskel tártip buzýshylyqqa qatysty 72 ákimshilik hattama toltyrylǵan.
Monıtorıngtik toptyń quramyna Taýarlar men kórsetiletin qyzmetterdiń sapasy men qaýipsizdigin baqylaý departamentiniń aýdandyq bólimderiniń, kásipkerlikti damytý qyzmetkerleri, polısııa qyzmetkerleri, sonymen birge, BAQ ókilderi engen.
Aldaǵy ýaqytta bul jumystar jalǵasyn tabady.
