Abylaıdyń armanyna qazirgi Qazaqstan qol jetkizgenin erekshe maqtan tutyp, ishki yntymaǵymyzdy, sútteı uıyǵan tatýlyǵymyzdy saqtaýǵa qyzmet etý barshamyzdyń paryzymyz.
Nursultan NAZARBAEV.
(«Abylaı ańsaǵan azattyq»).
Elbasynyń «Egemen Qazaqstanda» jarııalanǵan «Abylaı ańsaǵan azattyq» atty maqalasy – eldik sanany dúr silkindirgen eleýli eńbek. Gazet redaksııasyna Shyǵys Qazaqstan oblysyndaǵy ardagerler atynan kelip túsken hat osynyń bir dáleli. Osy aımaqqa aty belgili aǵa urpaq ókilderi Boshaı Kitapbaev, Hafız Mataev, Násen Sembaev, Qanıpa Bitibaeva, Gennadıı Berdıýgın, Frýnze Jaqsylyqov, Ázimhan Sádýaqasov, Anatolıı Eremenko, Arap Espenbetov, Gúlbaram Etekbaeva Memleket basshysynyń joǵaryda atalǵan maqalasyna bylaı dep ún qatady.
Asa qurmetti Nursultan Ábishuly!
О́zińizdiń «Abylaı ańsaǵan azattyq» atty taǵylym men parasatqa toly maqalańyzdy muqııat oqyp, elimizdiń ótkeni men keleshegine degen asqan jaýapkershiligińizge taǵy bir márte tánti boldyq.
Abylaıdyń armanyna qazirgi Qazaqstan qol jetkizgenin erekshe maqtan tutyp, ishki yntymaǵymyzdy, sútteı uıyǵan tatýlyǵymyzdy saqtaýǵa qyzmet etý barshamyzdyń paryzymyz.
Nursultan NAZARBAEV.
(«Abylaı ańsaǵan azattyq»).
Elbasynyń «Egemen Qazaqstanda» jarııalanǵan «Abylaı ańsaǵan azattyq» atty maqalasy – eldik sanany dúr silkindirgen eleýli eńbek. Gazet redaksııasyna Shyǵys Qazaqstan oblysyndaǵy ardagerler atynan kelip túsken hat osynyń bir dáleli. Osy aımaqqa aty belgili aǵa urpaq ókilderi Boshaı Kitapbaev, Hafız Mataev, Násen Sembaev, Qanıpa Bitibaeva, Gennadıı Berdıýgın, Frýnze Jaqsylyqov, Ázimhan Sádýaqasov, Anatolıı Eremenko, Arap Espenbetov, Gúlbaram Etekbaeva Memleket basshysynyń joǵaryda atalǵan maqalasyna bylaı dep ún qatady.
Asa qurmetti Nursultan Ábishuly!
О́zińizdiń «Abylaı ańsaǵan azattyq» atty taǵylym men parasatqa toly maqalańyzdy muqııat oqyp, elimizdiń ótkeni men keleshegine degen asqan jaýapkershiligińizge taǵy bir márte tánti boldyq.
О́tkensiz bolashaq joq... Tasqa qashalyp jazylǵan tól tarıhymyzdy qaıta qolǵa alyp, obektıvti baǵasyn berý jas urpaqtyń boıynda óz eline, týǵan jerine degen asqaq sezimin oıatyp, ıgilikti isterge bastaıtyndyǵy sózsiz.
Abylaıdaı dańqty tulǵanyń el egemendigi úshin atqarǵan abyroıly saıası-dıplomatııalyq qyzmeti keshegi qysyltaıań shaqta eskerilmedi. El egemendigin alǵan tusta ǵana tarıh aqtańdaqtarynyń beti ashyla bastady.
Abylaıdyń Qazaq eliniń egemendigin saqtap, shekarasynyń bútindigine nuqsan keltirmeý jóninde Aspanasty eli men Reseı ımperııasy syndy alpaýyt memleketter arasynda júrgizgen salıqaly saıasaty búgingi urpaq jadynda máńgige saqtalýy tıis. Sebebi, sonyń arqasynda Altaı men Atyraý, Qarataý men Qyzyljar aralyǵyndaǵy ulan-ǵaıyr atyrap búgingi urpaqqa amanat bolyp jetti. Eń bastysy – halqymyz bunyń barlyǵyna bereke-birliktiń arqasynda ǵana qol jetkizýge bolatyndyǵyn jete túsinýi tıis.
Dana halqymyzda «bólingendi bóri jeıdi» degen sóz bar. Biz júzge, rýǵa bólingenniń saldary qandaı bolatyndyǵyn jaqsy bilemiz. Alaıda, nebir náýbet jyldardy basynan ótkergen qazaq eliniń, azýyn aıǵa bilep, qolǵa qarý alyp Otan úshin otqa túsken kúnderden de beıhabar emespiz. Árisi Qabanbaı, Bógenbaı, Raıymbek, Qarasaı, berisi Baýyrjan, Qasym, Tólegen, Talǵat, Álııa men Mánshúk syndy erlik, órlik rýhymen sýsyndaǵan batyrlarymyzdyń ańsaǵan basty armany kıeli Táýelsizdigimiz edi.
Táýbe, búgingi kúni ózińizdiń bilgir basshylyǵyńyzdyń arqasynda tórtkúl álemge tanylyp úlgergen kópultty Qazaqstan halqy, keshegi Abylaıdyń ańsaǵan arman-murattaryna jetip, baıandy ǵumyr keshýde. Beıbitshiliksúıgish qazaq eli búginde óz Táýelsizdigin nyǵaıtyp, bir atanyń balasyndaı eńbektenip, jumystyń jemisin tatýda. Sebebi, aldymyzǵa qoıylyp otyrǵan maqsatymyz ortaq. Ol – «Qazaqstan-2050» Strategııasynda aıtylǵan ozyq otyz eldiń qataryna kirý. Bul maqsatymyz tolyqtaı oryndalatyndyǵyna senimdimiz.
Qazirgi tańda «Qazaqstan» men «beıbitshilik» sózderi egiz uǵymǵa aınalǵandaı. О́ıtkeni, biz ıadrolyq arsenalymyzdan ózdigimizben bas tartyp, álemge yntymaqty tý etken el retinde tanyldyq. Al bul oqıǵanyń elimiz úshin, sonyń ishinde Semeı jeri úshin qanshalyqty qýanysh ákelgendigi jaqsy belgili.
Laıym, qýanyshymyz ortaımasyn!
Eki ǵasyrdyń toǵysqan shaǵynda eńbek etken biz áli kúnge deıin keshegi keńestik dáýirmen búginimizdi salystyrýmen kelemiz, kóp oılanamyz, búginimizge myń da bir shúkirshilik etemiz! Qazirgi maqsatymyz – keshegi babalar amanatyn adal oryndap otyrǵan ózińizdeı Prezıdentimizdiń erteńgi bolashaq jónindegi paıymdy oılaryn iske asyratyn jastarymyzǵa bataly sózimizdi aıtyp, durys jolǵa baǵyttaý.
Abaıdaı danany, Shákárimdeı babany, muhıt oıly Muhtardaı alyptardy týdyrǵan kıeli Shyǵys eli ózińizdiń ár bastamańyzdy tolyq qýattaıdy.
Asa qurmetti Nursultan Ábishuly!
Abylaı ańsaǵan azattyǵymyz máńgilik bolsyn! Ony máńgilikke aparar urpaǵymyzǵa Qudaı myqty densaýlyq, aqyl-parasatyn molynan bersin. El irgesi aman bolsyn. Sábılerimizdiń uıqysy tynysh bolsyn. Amanatqa qııanat jasamaıtyn Qazaq eliniń mańdaıy jaryq bolsyn! О́zińizge myqty densaýlyq, amandyq tileımiz! Abylaıdaı dananyń atyn asqaqtatqan ataly sózińizge alǵys aıtamyz.
