«О́tken 2019 jyl bilim jáne ǵylym salasy úshin óte mańyzdy jyl boldy. Jyldyń basty oqıǵasy - elimizdiń táýelsizdik tarıhynda alǵash ret «Pedagog mártebesi týraly» zań qabyldandy. Ony ózderińiz jaqsy bilesizder. Ekinshiden 2025 jylǵa deıingi bilim jáne ǵylymdy damytýdyń jańa memlekettik baǵdarlamasy bekitilip, iske asyrylyp jatyr. Bul qujattardyń bilim jáne ǵylym salasy úshin tarıhı mańyzy bar ekeni sózsiz», - dedi Ashat Aımaǵambetov.
Onyń aıtýynsha, «Pedagog mártebesi týraly» zań muǵalimderdiń jumys barysyndaǵy túrli máselelerin sheshýge, eń bastysy olardyń mindetterine jatpaıtyn artyq júktemelerden bosatýǵa materıaldyq jáne moraldyq jaǵynan yntalandyrýǵa baǵyttalǵan.
«Barlyq pedagog qyzmetkerlerdiń demalysy 56 kúnge ulǵaıdy. Jalpy pedagogterdiń quqyqtaryn buzý faktileri oryn alǵan jaǵdaıda turǵylyqty jeri boıynsha sapany qamtamasyz etý departementteri bar. Sol departamentterdiń quzirettiligine berilgen máseleler bar. Qazirdiń ózinde osy sanksııalar boıynsha tıisti sharalar qabyldanǵanyn aıtqym keledi. Birneshe oblysta bizdiń áriptesterimiz mektep basshylary bolsa da ata-analarǵa bolsa da osyndaı naqty tıisti jaýapkershilik boıynsha sharalar qoldana bastady. Bul jumysty biz ári qaraı da jalǵastyramyz», - dedi mınıstr.
