«Bizdegi mektep basshylarynyń jalaqysy - úlken problema. Bul problemany joqqa shyǵaratyn áriptesterimiz de bar. Shyn máninde menedjment máselesine kóp suraqtar tıesili. Sondyqtan osy mektep basshylarynyń biliktiligi, bilimdiligi jáne olardyń tıisti jalaqy alýy men jumysqa alý mehanızmi ózgerýi tıis. Qazirgi ýaqytta bizdiń dırektorlardyń jalaqysy óte az, jetkiliksiz. Birinshiden, bıylǵy jyly jáne 4 jyldyń ishinde 2 ese ósedi. Ekinshiden, endi dırektorlardy jáne olardyń orynbasarlaryn attestattaýdan ótkizý ınstıtýty engizilip jatyr. Ol degenimiz – endi bizdiń dırektorlar men orynbasarlary ózderiniń jumystarynyń tıimdiligin kórsetken jaǵdaıda aı saıyn ózderiniń alatyn jalaqysyna 30-dan 100 paıyzǵa deıin qosymsha ústemaqy alatyn bolady», - dedi mınıstr.
Mınıstrdiń aıtýynsha, mektep dırektorlary men orynbasarlary osy júıemen test tapsyryp, nátıjesinde olardyń aldaǵy jumys jospary bekitiledi.
«Osy júıe boıynsha tıisti normatıvtik-quqyqtyq aktilerdi daıyndadyq. Osy aıdan bastap mektep dırektorlary men orynbasarlary atalǵan júıemen test tapsyryp, onyń nátıjesinde keıbir dırektorlardy ornynan alyp tastaý múmkindigi bolady. Keıbireýlerin ózgertip, basqa mektepke taǵaıyndaý múmkindigi bolady. Tıimdi jumys istep júrgen basshylar tıisti ústemaqylaryn alyp, ári qaraı jumystaryn jalǵastyrady», - dedi Ashat Aımaǵambetov.
