«Oqýshynyń bilim sapasy muǵalimniń jumysymen tikeleı baılanysty. Sondyqtan muǵalim óziniń mindetine jatpaıtyn artyq júktemelermen aınalyspaýy kerek. Ol tek balalarǵa bilim jáne tárbıe berýge mindetti. Mınıstrlik búginde muǵalim mártebesi talaptarynyń saqtalýyn qadaǵalap keledi. Biz muǵalimderdiń alańsyz jumys isteýine barynsha jaǵdaı jasaımyz», - dedi Ashat Aımaǵambetov.
Sondaı-aq ol muǵalim jumysyn jeńildetý úshin olardyń toltyrýy qajet qujattar sanynyń azaıǵanyn aıtyp ótti.
«Endi pán muǵalimi kúndelikti tek eki qujat toltyrady. Qujattardyń qysqarýy tek mektep muǵalimderine ǵana qatysty emes. Bul sondaı-aq mektepke deıingi bilim berý uıymdaryna, kolledj ustazdaryna, JOO oqytýshylaryna da qatysty. Pedagog tek qana óziniń negizgi mindetimen aınalysýy kerek. Buǵan deıingi túrli esep berý, tekserýge qatysty qujattar muǵalim mindetinen alynyp tastaldy», - dedi ol.
