Sonymen qatar bul suhbatta elimizdiń ishki jáne syrtqy ekonomıkalyq-saıası jaǵdaıy jan-jaqty aıtyldy. Táýelsiz memleket retinde ár eldiń ózindik damý joly bolady. Biraq oǵan keıbir syrtqy kúshterdiń qandaı da bir keri yqpaly bolýy múmkin. Suhbattyń mańyzdylyǵy da sonda. Biz birtutas táýelsiz memleketpiz.
Budan bólek, Prezıdent Eýrazııalyq ekonomıkalyq odaqtyń áleýetin ekonomıkalyq odaq retinde kúsheıtýge múddeli ekenin atap ótti. Bul uıym Qazaqstannyń ekonomıkalyq turǵydan damýyna múmkindik berýi tıis. Osy rette, atalǵan uıymnyń organy bolyp tabylatyn Eýrazııalyq ekonomıkalyq komıssııa bar. Onda Odaq qabyldaıtyn jobalar qaralady. Bul komıssııada bizdiń taraptyń múddesin qorǵaıtyn azamattardyń jaýapkershiligi, otanǵa degen súıispenshiligi, el ekonomıkasyna degen kózqarasy durys bolýǵa tıis.
Jalpy, Odaq aıasynda ekonomıkalyq áriptestiktiń ornaýy qalypty qubylys. Endeshe, Qazaqstandaǵy shaǵyn jáne orta kásipkerliktiń úlesin arttyryp, kórshi eldermen básekeles bola alatyndaı deńgeıge jetkizýimiz kerek. Bul úshin elimizde barlyq múmkindik qarastyrylǵan. Osy rette, syrttan qaryz alýdy ádetke aınaldyrmaı, óz ishki qarjylyq áleýetimizdi tıimdi paıdalanýǵa tıispiz.
Nurtaı SABILIаNOV,
Parlament Májilisiniń depýtaty
