Sport • 05 Maýsym, 2020

Hakım Zıesh pen Tımo Vernerdi Chelsı satyp aldy

220 ret

kórsetildi

1 mın

oqý úshin

Aǵylshyn premer lıgasyndaǵy azýly komandanyń biri Chelsı quramy eki myqty fýtbolshymen tolyqty. Sonyń biri Nıderlandtyń Aıaaks klýbynyń jartylaı qorǵaýshysy, Marokko fýtbolynyń jaryq juldyzy Hakım Zıesh bolsa, ekinshisi Germanııa ulttyq quramasynyń shabýylshysy qazirgi tańda Leıpsıg sapynda óner kórsetip júrgen nemis fýtbolshysy Tımo Verner.

Beken QAIRATULY

Hakım Zıesh pen Tımo Vernerdi Chelsı satyp aldy

Orys alpaýyty Roman Abramovıchtiń alqaýyndaǵy atalmysh komanda Hakım Zıesh úshin 40 mln eýro tólese, Tımo Vernerǵa 64 mln eýro jumsaǵan eken. Jasy 25-ke jańa tolǵan T.Verner londondyq klýbpen 2025 jylǵa deıin shart jasasypty. Fýtbol mamandary bul jigittiń bolashaǵy zor dep qaraıdy. О́ıtkeni, Býndeslıganyń osy maýsymdyq oıyndarynda 29 dúrkin alańǵa shyǵyp 25 goldyń avtory atanyp, mergender kóshin bastap kele jatqan Robert Levandovskııden keıingi ekinshi orynǵa jaıǵasypty.

Qazirgi tańda Chelsı sapynda atoılap júrgen myqtylar: Krıstıan Pýlısık, Kallým Hadson-Odoı, Vıllıan, Meıson Maýnt, Tammý Abraham, Bıllı Gılmoýrlardyń qataryna joǵarydaǵy eki myqtynyń qosylýy komandany órge júzdireri anyq. Endi tek ǵana qurama bapkeri Frenk Lampardtiń tájirıbesi men uıymdastyra bilýi ǵana qalǵan tárizdi.