A. Shákirov eldiń syrtqy saıası baǵytyn ǵylymı-taldamalyq súıemeldeýdiń tıimdiligi, eń aldymen, qazirgi zamanǵy syn-qaterler men Qazaqstannyń strategııalyq múddeleriniń tikeleı kontekstindegi zertteletin problemalardyń ýaqtylyǵy men ózektiligine baılanysty ekenin atap ótti. Osy úderister 2020-2030 jyldarǵa arnalǵan Syrtqy saıasattyń tujyrymdamasynan, Prezıdent Qasym-Jomart Toqaevtyń tapsyrmalarymen baılanysty basqa da baǵdarlamalyq qujattardan bastaý alady.
Qatysýshylar Instıtýttyń aldaǵy jyldarǵa arnalǵan damý josparynyń oryndalý barysyn talqylap, onyń uıymdyq qurylymyna ózgerister engizip, sondaı-aq zertteý jumysynyń basym baǵyttaryn anyqtady.
О́z kezeginde Syrtqy ister mınıstri Muhtar Tileýberdi Instıtýt Memleket basshysynyń tapsyrmasyn oryndaý maqsatynda qurylǵanyn erekshe atap ótti. Onyń maqsaty jetekshi jahandyq oıynshylar arasyndaǵy turaqsyzdyq pen qaıshylyqtardyń shıelenisýi jaǵdaıynda syrtqy saıası úderisterdi sapaly zertteýdi uıymdastyrý, sondaı-aq syrtqy saıası máselelerdi zerdeleýdi júıeleý maqsatynda SIM aqparattyq-taldaý jumys keshenin kúsheıtý bolyp tabylady. Mınıstr Dırektorlar keńesine atqarǵan jumysy úshin alǵysyn bildirip, aldaǵy ýaqytta da tabys tiledi.
Aǵymdaǵy jyldyń basynan bastap «SSZI» AQ 45 aqparattyq-taldaý materıaldaryn daıyndap, olardyń jartysynan astamy Prezıdent Ákimshiligine, Tuńǵysh Prezıdent – Elbasy jáne Premer-Mınıstr Keńsesine jiberildi. Sonymen qatar, Instıtýt ónimderi Qazaqstannyń syrtqy saıasatynyń basym baǵyttaryn júzege asyrý, álemdik saıasat pen ekonomıkada, ulttyq jáne halyqaralyq qaýipsizdik salasynda ózekti trendterdi anyqtaý boıynsha praktıkalyq usynymdardy ázirleý kezinde SIM qurylymdyq bólimsheleri tarapynan suranysqa ıe boldy.
