- Karantındik sharalardyń jeńildetilýi aýrý sanyn kóbeıtip jiberdi. Búginge deıin Batys Qazaqstan oblysynda koronavırýstyń 262 oshaǵy anyqtalyp, 818 adam vırýs juqtyrdy. Olardyń ishinde 14 jasqa tolmaǵan 42 bala bar. О́ńirde 100 myń turǵynǵa shaqqanda aýrý sany 124,6 adamnan kelip tur, - dep málimdedi Batys Qazaqstan oblystyq taýarlar men kórsetiletin qyzmetter sapasy men qaýipsizdigin baqylaý departamenti basshysynyń orynbasary Nurlybek Mustaev.
Elimizde 3 maýsymnan bastap Qazaqstan Respýblıkasy densaýlyq saqtaý mınıstrliginiń sheshimimen koronavırýs ınfeksııasy anyqtalǵan naýqastar eki topqa – koronavırýs belgileri bolǵan jáne aýrý belgisi joq naýqastar bolyp bólingen bolatyn. Mine, 3 maýsymnan bastap, óńirde aýrý sımptomy joq 166 naýqas tirkelgen.
Sońǵy táýlikte anyqtalǵan 13 naýqastyń 6-ýy vırýsty qarym-qatynastan juqtyrǵan eken. Koronavırýs ınfeksııasyn juqtyrǵandar Aqjaıyq aýdanynda – 5, Bókeı orda aýdanynda – 2, Bórlide – 15, Jańaqalada – 4, Jánibekte – 11, Báıterekte – 34, Qaztalovta – 1, Qaratóbede – 2, Syrymda – 12, Tasqalada – 28, Terektide – 20, Shyńǵyrlaýda – 2, al Oral qalasynda – 633 adam.
Osy indet bastalǵany 326 adam vırýsty oblys aýmaǵynan syrt jerden juqtyryp kelgen. Sonyń ishinde Reseı Federasııasynan – 205, Atyraý oblysynan – 119, Germanııadan – 1, Belorýsııadan – 1 adam aýrý ákelipti.
Al oblys ishinde naýqastarmen qarym-qatynas jasap, vırýs juqtyrǵan adam sany – 442. Bulardyń ishinde 106 adam – medısına qyzmetkeri eken.
Buǵan deıin Tasqala men Syrym aýdandarynyń ortalyqtary, Jánibek aýdanyndaǵy Borsy men Qamysty aýyldary karantınde bolsa, buǵan Qaratóbe aýdanyndaǵy Saraljyn aýyly da qosyldy. Qazir bul aýyldarda qozǵalys shektelgen, tek kúndelikti tirshilikke qajetti qyzmet ókilderi ǵana aýylǵa kirip-shyǵa alady. Sondaı-aq oblystyń bas memlekettik sanıtarynyń buıryǵymen 6 maýsymnan bastap turǵyndarǵa óz úıinde otbasylyq is-sharalardy ótkizýge tyıym salyndy. Oral qalasynda qoǵamdyq kólik tańǵy saǵat 06.00-den 12.00-ge deıin, keshke saǵat 17.00-den 21.00-ge deıin ǵana qyzmet kórsetip jatyr. Bazarlardyń da jumys ýaqyty ózgerip, jumys kúnderi túske deıin ǵana, jumadan jeksenbige deıin saǵat 10:00-den 16:00-ge deıin ashyq bolady.
