Aıtaıyn degeni, Temirjolshylar aýrýhanasynyń jaıy. Sol úshin habarlasyp otyrmyn, sebebi ondaǵy jaǵdaıdy mınıstrlik pen jalpy qoǵam bilýi tıis degen oıda. Aýrýhananyń jaǵdaıy óte nashar eken. Tósek oryndary eski, ájethanasy kópshilikke arnalǵan, gıgıena saqtaý múmkin emes, jaqynda jóndeýden ótken deıdi, biraq ol jaı aty ǵana bolǵanǵa uqsaıdy. Bul provızorlyq aýrýhana, aýrý anyqtalǵansha ustap, aıqyndalǵanda jańadan salynǵanyna jibermek. Eń masqarasy, vırýsqa synamasy terisi men oń bolǵan adamdardyń bir palataǵa jatqyzylýy.
«Bizdi jańadan salynǵan arnaıy aýrýhanaǵa aýystyratyny belgili bolǵanda, palatamyzǵa burynnan tanıtyn bir kelinshekti alyp keldi. Myna kisiler ketken soń orny bosaıdy dedi. Al ol kelinshekte áli vırýstyń bary rastalmaǵan da. Biz shyqqanda, eshqandaı zararsyzdandyrý, dezınfeksııa júrgizbesten, jýylmaǵan bólmege aparyp jatqyzyp qoıypty. Tanysym, jylap telefonmen sóılesti. Kórdińiz be, bizdiń ornymyzǵa, COVID-19-ben naýqastanǵan bizdiń jatqan jerimizge aýrýy rastalmaǵan, vırýstyń bar-joǵy belgisiz ony jatqyzǵan. Osyny jaýapkershiliktiń joqtyǵyna ma, aıaýshylyqtyń joqtyǵyna ma, qaısysyna jatqyzarymdy da bilmeımin.
Elge jetkizińizshi, osyndaı da jaıttar bar. Al myna modýldyq aýrýhanada múlde basqasha, ishindegi jaǵdaıy da, dárigerleri de jaqsy eken. Meniń aty-jónimdi jazbaı-aq qoıyńyz, bir jerge jazyp jatsańyz», deıdi jerles sińilim.
Vırýspen osylaı oınaýǵa bola ma?!.
