2020 jyldyń 16 maýsymynan bastap Almaty qalasynda ornalasqan ekinshi deńgeıli bankter jumysshylardyń 50% deıin qashyqtyqtan jumys isteýge kóshýi kerek. Bul týraly Qarjy naryǵyn retteý jáne damytý agenttigi men Ulttyq banktiń birlesken buıryǵynda aıtylǵan.
Sonymen birge bankter jumys ýaqytynda sharýashylyq júrgizýshi sýbektilerge jáne halyqqa qolma-qol aqshany, onyń ishinde bankomattardy qolma-qol aqshamen ýaqytyly toltyrýdy jáne olardyń úzdiksiz jumys isteýin únemi qamtamasyz etýi kerek.
Sondaı-aq, qarjy ınstıtýttary klıentterdiń operasııalaryn óńdeıtin jáne bankomattar, termınaldar, Internet-bankıng, mobıldi bankıng jáne klıentterdiń banktik shottaryn qashyqtyqtan basqarýǵa arnalǵan basqa júıelerdiń, ınkassasııa qyzmetteriniń, qońyraý shalý qyzmetteriniń, tólem kartochkalaryn jetkizý qyzmetteriniń, sondaı-aq basqa da qyzmetterdiń úzdiksiz jumys isteýin qamtamasyz etetin qyzmetterdiń jumysyn uıymdastyrýy kerek.
