Qazaqstan kásipkerleriniń quqyǵyn qorǵaý jónindegi ýákil Rýstam Júrsinov Rústem Júrsinov búgin jýrnalıstermen kezdesken kezde sanıtarlyq normalardy buzǵany úshin Almatydaǵy bıznes sýbektileriniń 2,5%-y ǵana ákimshilik jaýapkershilikke tartylatynyn aıtty. Ákimshilik quqyq buzýshylyq týraly kodekstiń 462-babynyń 3-bóligine sáıkes, aıyppul mólsheri shaǵyn kásipkerlik sýbektileri úshin 100 AEK (277,8 myń teńge), orta kásipkerlik sýbektileri úshin 200 AEK (555,6 myń teńge), iri kásipkerlik sýbektileri úshin 500 AEK (1,4 mln teńge) quraıdy, bul rette kásipkerlik sýbektisiniń qyzmeti toqtatylýy da múmkin.
Halyqtyń sanıtarlyq-epıdemıologııalyq salaýattylyǵy salasyndaǵy zańnama talaptaryn buzǵany úshin iri bıznes sýbektilerine 4 mln teńge kóleminde aıyppul taǵaıyndalady (ÁQBtK-niń 425-baby). Degenmen, oryn alǵan jaǵdaıda bas memlekettik sanıtarlyq dárigerdiń qaýlylary zańǵa jatpaıdy, sondyqtan bul bap qoldanylmaıdy.
Alaıda, bıznes sanıtarlyq talaptardy buzǵany úshin aıyppul sanksııalaryn qoldaný máselelerine qatysty alańdaǵan B. Rústemov Almaty qalasynyń bas memlekettik sanıtarlyq dárigeri Jandarbek Bekshınge hat joldap, sanıtarlyq talaptardyń buzylýynyń aldyn alýdy, eleýsiz buzýshylyqtar oryn alǵan jaǵdaıda eskertý jasaýdy jáne buzýshylyq qaıtalanǵan jaǵdaıda ǵana aıyppul salýdy usynǵan. Jaqynda ońtústik astananyń bas memlekettik sanıtarlyq dárigerinen alyp, Almatyda karantın jarııalanǵan sátten bastap sanıtarlyq-epıdemıologııalyq sharalardy saqtaý boıynsha 3825 kásipkerlik nysany qamtylǵandyǵy jáne de tek 2,5%-na nemese 100-ge jýyq kásipkerge qatysty ákimshilik jazalaý sharalary qoldanylǵandyǵy aıtylǵan.
"Qazaqstanda COVID-19 kúsheıip keledi. 15 maýsymdaǵy jaǵdaı boıynsha syrqattanǵandar sany 15192 adamdy qurady (táýligine 383), 14 maýsymda 313 aýrý anyqtaldy, 13 maýsymda - 258, 12 maýsymda - 366, 1 maýsymda - 314. Kórip otyrǵanymyzdaı, syrqattanýshylar sany kún sanap artyp keledi.
О́kinishke oraı, qarapaıym azamattar tártip buzýshylyqqa barlyq jerde jol beredi. Maska kııý tártibi men áleýmettik qashyqtyq saqtalmaıdy, adamdar otbasylyq is-sharalardy uıymdastyrýyn, qonaqqa barýyn toqtatar emes. Bızneske keletin bolsaq, keıbir kásipkerler kóbinese qarapaıym talaptardy oryndamaıdy (maskalyq rejım, qolǵap kııý, bólmeniń kire berisinde sanıterlerdi ornatý)" deıdi Qazaqstan kásipkerleriniń quqyǵyn qorǵaý jónindegi ýákil Rýstam Júrsinov.
Sondaı-aq R. Júrsinov barlyq kásipkerlerge azamattarymyzdyń densaýlyǵy óz qolymyzda ekenin, bıznes qyzmetkerlerdiń sanıtarlyq talaptardy saqtaýyn qamtamasyz etetin bolsa jáne ony óz tutynýshylarynan talap etetin bolsa, onda birlesken kúsh-jigerdiń arqasynda syrqattanýshylardyń sanyn azaıta alatynymyzdy aıtyp ótti.
"Al eldegi epıdemıologııalyq jaǵdaıdyń jaqsarýy áli de jabyq kúıinde qalyp otyrǵan (kınoteatrlar, oıyn-saýyq oryndary, banket zaldary jáne t.b.) bıznesti qaıta jańartýǵa alyp keledi.
Biz birlesken kúsh-jigerdiń arqasynda koronavırýstyq ınfeksııamen kúreste jáne ekonomıkany qalpyna keltirý barysynda tabysqa qol jetkizemiz degen úmittemin" dep sózin qorytty Qazaqstan kásipkerleriniń quqyǵyn qorǵaý jónindegi ýákil Rýstam Júrsinov .
