Aımaqtar • 17 Maýsym, 2020

Qostanaı oblysynda 26 aýyl ákimi ákimshilik jaýapkershilikke tartyldy

601 ret

kórsetildi

1 mın

oqý úshin

Bul týraly oblys ákiminiń orynbasary Sergeı Karplıýk pen aımaq ekologtarynyń jáne "Qostanai - adaldyq alany" jobalyq keńsesi ókilderiniń qatysýymen ótken onlaın-jıynda aıtyldy. Ekolog-mamandar oblys aýmaǵyndaǵy ruqsat etilmegen jerlerde 313 qoqys úıindisin tapqan. Bul oryndar "Ǵarysh Sapary" UK AQ jerseriktik júıesi arqyly anyqtalyp otyr. Búginge deıin onyń 155-i joıylypty. Qalǵan 158 qoqys polıgonyn joıý jergilikti atqarýshy organdarǵa mindettelgen.

Nurqanat QULABAEV

Qostanaı oblysynda 26 aýyl ákimi ákimshilik jaýapkershilikke tartyldy

Sondaı-aq turmystyq qaldyqtardy tógetin oryndardy tıimsiz uıymdastyrǵan 26 aýyldyq okrýg ákimi ákimshilik jaýapkershilikke tartyldy.

"Taıaýda óńirlik ekologııalyq retteý bóliminiń basshysy qamaýǵa alyndy. Ol qorshaǵan ortany qorǵaý salasyndaǵy zańnamalardy óreskel buzyp, qoqys qaldyqtaryn shyǵarý jobalary boıynsha birneshe ret para aldy degen kúdikke ilindi. Barlyqtaryńyzdy sybaılas jemqorlyq táýekelderin boldyrmaýǵa shaqyramyn. Qoqys alańy kimge tıesili? Mine, jaýapty adam da sol! Aýmaqtaǵy uıymdarmen jáne jeke tulǵalarmen turaqty negizde túsinik jumystaryn júrgizý qajet. Qoqys polıgonyn durys uıymdastyrý baǵytyndaǵy jumystardy ákimderdiń reıtıngine qosýǵa bolady", deıdi oblystyq sybaılas jemqorlyqqa qarsy kúres qyzmetiniń birinshi orynbasary Danııar Smaǵulov.

Qostanaı oblysy