Qazaqstan • 17 Maýsym, 2020

Qazaqstanda jyl saıyn qansha tonna myrysh pen qorǵasyn óndiriledi?

2010 ret

kórsetildi

2 mın

oqý úshin

IIDM baspasóz qyzmeti habarlaǵandaı, QazIndustry baıandamasynda ILZSG (International Lead and Zinc Study Group) derekterine sáıkes 2019 jyly álemdegi myrysh óndirisi 13,5 mln tonnany (2018 jyly – 13,1 mln tonna) quraǵandyǵy aıtylǵan. Qazaqstanda jyl saıynǵy myrysh óndirisi 300 myń tonna shamasynda. Negizinen ol iri óndirýshi "Qazmyrysh" JShS ornalasqan Shyǵys Qazaqstan oblysynda shoǵyrlanǵan. Ol óndiristiń 95% astamyn quraıdy. Bul - óndiristik qýaty jylyna 190 myń tonna О́skemen metallýrgııalyq kesheni jáne óndiristik qýaty jylyna 112 myń tonna joǵary markaly taýarly myrysh jáne myrysh-alıýmınıı quımasyn óndiretin Rıdder metallýrgııalyq kesheni, - dep jazady Egemen.kz

Suńǵat ÁLIPBAI

Qazaqstanda jyl saıyn qansha tonna myrysh pen qorǵasyn óndiriledi?

Shaǵyn óndiris Qaraǵandy oblysynda ornalasqan: myrysh óndirýmen aınalysatyn "KAZ Minerals" toby jáne "Nova-Sınk" JShS (myrysh jáne qorǵasyn konsentratyn óndiretin "Chelıabınsk myrysh zaýyty" AAQ enshiles kásiporny). Qazaqstanda óndirilgen óńdelmegen myryshtyń 80-90% kólemi eksporttalady. Jetkizý geografııasy: 2019 jyly Qytaıǵa myryshtyń 88%, Reseıge - 7%, Ýkraınaǵa – 4% jiberildi. ILZSG derekteri boıynsha ótken jyly myryshty álemdik qoldaný 13,7 mln tonnany qurady (2018 jyly – 13,6 mln tonna).

Qazaqstan aýmaǵynda óndirilgen myryshtyń bir bóligi myryshtalǵan prokat shyǵarý úshin "ArselorMıttal Temirtaý" AQ-da qoldanylady.

ILZSG derekteri boıynsha 2019 jyly álemdik qorǵasyn óndirisi 11,9 mln tonnany qurady (2018 jyly – 11,8 mln tonna). Qazaqstanda óndiriletin qorǵasynnyń barlyq kólemi – jylyna 120-150 myń tonna "Qazmyrysh" JShS keledi (2019 jyly 99,6%).

Ishki naryqta tazartylǵan qorǵasyndy negizgi paıdalanýshy - akkýmýlıator óndirisimen aınalysatyn "Qaınar-AKB" JShS. Qalǵan bóligi eksporttalady. Negizgi kólem "Qazmyrysh"-tyń negizgi aksıoneri ‎Glencore kompanııasy ornalasqan Shveısarııaǵa jiberiledi.

2019 jyly qorǵasyn paıdalanýdyń tómendeýi qorǵasyn qyshqyldy akkýmýlıatorlardaǵy metaldy paıdalanýdyń negizgi baǵytymen baılanysty bolýy múmkin. ILZSG derekteri boıynsha 2019 jyly álemdik qorǵasyn paıdalaný 11888 myń tonnany qurady (2018 jyly – 11906 myń tonna), qorǵasyn qyshqyldy akkýmýlıatorlar úlesi álemdegi qorǵasynǵa degen suranystyń 80% quraıdy.

Taıaý bolashaqta avtomobıl sektorynda qorǵasyn qyshqyldy akkýmýlıatorlardy lıtıı-ıondy batareıalar almastyrýy múmkin, bul álemde qorǵasyn paıdalanýǵa teris áserin tıgizip, onyń óndirisi tómendeýi yqtımal.