Zardap shegýshi bolǵan oqıǵany aıtyp, birden polısııaǵa habarlaıdy. Qyzyljardyń pınkertondary da osal maman emes, olar jobamen urylardyń kelý, esikti buzyp kirý ýaqyttaryn shamalap, sol mańdaǵy beınekameralardan naq sol kezdegi kórinisterdi saralaı otyryp, urylardyń keskin kelbetin birden anyqtaıdy. Olar qalanyń 1992 jáne 1999 jyldary týǵan turǵyndary eken. Úlkeniniń túrmege otyryp shyqqany da belgili bolady. Ar jaǵy ońaı, ury qolda bolmasa da kartotekada bar, aınalasy eki saǵattyń ishinde qaraqshylardyń oljalaryn “toılap” otyrǵan jerlerinde polısııa ústerinen túsedi. Qazir olardyń ústinen qylmystyq is qozǵalyp, bultartpas sharalary qoldanylǵan. Urlanǵan zattar men aqshanyń bir bóligi ıesine qaıtaryldy.
Polısııadan mundaı jedeldikti kútpegen zardap shegýshi óziniń rızashylyǵyn Petropavldyń PB jalǵan alǵysynda tolyq baıandapty. “Men mundaı jedeldikti kútken joq edim, polısııada óz isiniń sheberleri bolǵany meni qatty qýantty. Men olarǵa shyn júrekten alǵysymdy bildiremin”, delingen hatta.
SQO DP bastyǵynyń orynbasary, polkovnık Rýslan Nazarovtyń aıtýyna qaraǵanda qylmysty jedel ashýǵa beınekamelardyń paıdasy zor. Sondyqtan turǵyndar beınekameralar qoıdyryp, óz aýlalarynyń tehnıkalyq jaǵynan qaýipsiz bolýyn oılaǵandary jón deıdi ol. Jyl basynan beri SQO-da barlyǵy 303 páter tonaý faktysy tirkelip, sonyń 86,9 paıyzy izin sýytpaı ashylǵan. Sonyń ishinde beınekameralardyń paıdasy kóp tıgen eken.
PETROPAVL
