Bıylǵy 2019-2020 aralyǵyndaǵy oqý jylynda 158 jas maman keldi. Al, sońǵy 3 jylda qaladaǵy mektepterge kelgen 400-muǵalim qazir qyzmet jasaýda.
Bul nátıje qala mektepterinde "Jas mamandar mektebi" júıeli jumys isteıtinin, tálimgerlik qyzmettiń (mentorlyq) damyǵanyn kórsetýde.
Mektepterdiń jas mamandar tartýdaǵy osyndaı ádistemelik qyzmetteriniń jumys tájirıbesi oblys deńgeıinde tanystyrylýda.
Bilim berý bóliminiń ádistemelik kabınetimen uıymdastyrylǵan "Jas mamandardyń kásibı klýby" (ProLS) jaqsy jumystar atqarýda.
Bul klýbta jas pedagogtar úshin "Pedagogıkalyq debıýt" nomınasııasy boıynsha ınternet-sabaqtar, festıvalder jıi uıymdastyrylady.
Bıyl №19-shy mekteptiń ınformatıka muǵalimi Almas Serikbaev respýblıkalyq "Úzdik pedagog-2019" baıqaýynyń jeńimpazy atandy.
Sondaı-aq "Pedagogıkalyq ıdeıalar festıvali–2019" respýblıkalyq baıqaýynda №40 mekteptiń matematıka páni muǵalimi Alına Bastenova men Qymbat Mataı I oryn, "Daryndy balalarǵa - talantty ustaz – 2019" saıysynda №40 mekteptiń logoped mamany Asylbek Janbota III oryn ıelendi.
Oblystyq deńgeıde ótken túrli baıqaýlarda 19 jas muǵalim qatarynan oblystyq "Pedagogıkalyq bastamalar", "Úzdik ádistemelik - dıdaktıkalyq qural", "Zamanaýı sabaq" ınternet-festıvaliniń júl-degeri atandy.
Bilim bóliminiń málimetinshe, bul maqsattar-jas pedagogtarǵa degen qoldaýdyń nátıjesi. Jas mamandardy qoldaıtyn zamanǵa saı bilim berý úlgileri ary qaraı da jalǵasady.
Pavlodar qalasy
