Kóp uzamaı naýqaspen birge 13 adam da test tapsyrdy. О́kinishke oraı olardyń da qaýipti indetke shaldyqqany belgili boldy.
Solardyń qatarynda fılıaldyń dırektory, Atyraý oblysynyń burynǵy bas memlekettik sanıtarlyq dárigeri bolǵan Temirbek Musaǵalıev ta bar. Ol koronavırýs juqtyrǵanyn áleýmettik jelide jazyp, turǵyndardy saqtanýǵa shaqyrdy.
"Búgin men tapsyrǵan PTR test qorytyndysy oń nátıje kórsetti. Men sanıtarlyq qorǵanys talaptaryn saqtap, maska taqtym, qolǵap kıdim. Qolyma dezınfeksııa júrgizdim. Sizder sekildi koronavırýstyń meni aınalyp ótetinine senimdi edim. Biraq olaı bolmaı shyqty. Vırýs qalaǵa kirdi", - dep jazdy Temirbek Musaǵalıev.
Fılıaldyń indetke shaldyqqan qyzmetkerleri ákimshilik personalda jumys istegen mamandar. Olardyń osyndaǵy zerthanaǵa qatysy joq bolyp shyqty. Al, ortalyq ǵımaratyna dezınfeksııa júrgizilip, zerthana qalypty rejımde jumysyn jalǵastyrýda.
