"Qurmetti dostar! О́kinishke qaraı, koronavırýs indeti Tuńǵysh Prezıdentimiz, Elbasyǵa da juqqany anyqtaldy. Bul habar bárimizdiń de janymyzdy jabyrqatty. El Prezıdenti Qasym-Jomart Toqaevtan bastap, búkil jurtymyz Elbasynyń densaýlyǵyna alańdap, tezirek saýyǵyp ketýin tilep jatyr. О́mirdiń talaı aýmaly-tókpeli ótkelderinen súrinbeı ótip, qabyrǵaly qalyń elin órkenıet órine bastap kele jatqan Elbasynyń bul synaqty da jeńil eńseretinine tolyq senimdimin. Buǵan meniń uzaq jyldar Elbasynyń qasynda tyǵyz jumys istep, taǵlymyn alyp kele jatqan jan retinde tolyq kózim jetedi", dep jazdy B. Baıbek.
Sondaı-aq ol Elbasynyń densaýlyǵy myqty ekenin atap ótti.
"Elbasy - tereń parasat pen asqaq rýhtyń ǵana emes, myqty densaýlyqtyń da ıesi. Jumys kestesiniń tyǵyzdyǵyna qaramastan, salamatty ómir saltyn ustanyp, turaqty túrde sportpen shuǵyldanǵanyna talaı kýá boldym.
Elge tutqa, jurtqa tirek bola bilgen kemeńger basshymyzdyń tezirek saýyǵyp ketýin tileımin!", dedi B. Baıbek.
