13 shilde kúni Mańǵystaý oblysynyń qaq júregi Aqtaý qalasynda "All inclusive All Exclusive" konsepsııaly Rixos Water World Aktau atty Ortalyq Azııadaǵy eń alǵashqy 5 juldyzdy otel ashylady. Oteldiń jalpy aýmaǵy 150 000 sharshy metrge sozylyp jatyr. Jeke qumdy jaǵajaıy – 420 metr. Kúnge qyzdyryný men demalýǵa arnalǵan serýendeý pırsynyń aýmaǵy 500 sharshy metr.
Otel Kaspıı teńiziniń tabıǵaty kórkem jaǵajaıynda ornalasqan. Onyń óziniń jeke qumdy plıajy men móp-móldir kókshil sýy bar.
"Rixos Water World Aktau - Aqtaý qalasynyń meımandary úshin de, turǵyndary úshin de birinshi dárejeli jańa orynǵa aınalmaq. Qonaqtardyń jaılylyǵy úshin biz barlyq jaǵdaılardy uıymdastyrdyq. Rixos Hotels jelisin ózgeshelendirip turatyn ereksheligi – álemniń kez kelgen núktesindegi eń ozyq servıs. Biz Aqtaýdaǵy oteldiń konsepsııasyn ázirlegen kezde dál osy qaǵıdatty ustandyq. Bizdiń otel jyl boıy meımandardy qabyldaýǵa daıyn ári Ortalyq Azııada birinshi bolyp «All Inclusive» tujyramasynda qyzmet kórsetedi. Jazdygúni de, qystygúni de bul óńir erekshe kórkem", - dep atap ótti Rixos Water World Aktau qonaq úıiniń bas menedjeri Mahmut Jarymbetov.
Otel áýejaıdan 42 shaqyrym, Aqtaý qalasynyń ortalyǵynan 20 shaqyrym (20-30 mınýttyq jol) jerde ornalasqan.
Rixos Water World Aktau óziniń meımandaryna terezesinen teńiz kórinetin nómirler men saltanatty vıllalardy, beınesi sulý ólkelerdi usynady: Deluxe turpatty 462 nómir, Deluxe Suite turpatty 22 nómir, Presidential Suite turpatty 1 nómir men 15 jaıly vılla, sonymen birge múmkindigi shekteýli jandarǵa arnalǵan nómirler bar.
Oteldiń eń tartymdy oryndarynyń biri retinde "Water World" sýda kóńil kóteretin baqty atap ótýge bolady. Sý syrǵanaqtary men basseınderiniń ártúrliligi men aýqymy kelýshilerge umytylmas áser syılaıdy: Space Boat, Flying Saw, Windigo attraksıondary, tolqyndy basseın, "jalqaý ózen" attraksıony men ózge oryndar barshylyq. Bos ýaqytty ótkizgińiz kelse atalǵan aýmaq eresekter úshin de, balalar úshin de qoljetimdi bolady.
Sonymen qatar meımandardy jylytylatyn basseınderdiń ártúrliligi men aýqymdylyǵy kútip tur: teńiz ben teńiz sýyn pash eter keń kólemdegi kórinisi bar biregeı "Infinity" basseıni men spa-ortalyqta jabyq basseın ornalasqan.
Rixos Water World Aktau kelýshilerin open air konsertimen birge mazmunǵa toly saýyq baǵdarlamalary, taqyryptyq keshter men festıvaldar kútip tur. Taza aýada demalýdy jón kóretinder otel tarapynan bul baǵyttaǵy usynystardyń búkil spektrine baǵa bere alady.
Sport pen salaýatty ómir saltyn unatatyndar úshin kúndelikti sporttyq jattyǵýlar usynylady: skandınav júrisi, ıoga, strechıng, krossfıt pen ózge de jattyǵýlardy jasaı alasyz. Buǵan qosa qonaq úıde "Exclusive sports" akademııasy, kásibı fýtbol alańy men búkil halyqaralyq standartqa saı 7 tennıs korty bar.
Bala jastaǵy meımandar úshin jas boıynsha 4 topqa arnalǵan (0-3 jas, 4-8 jas, 9-12 jas, 13-17 jas) Rixy balalar klýby qyzmet etedi. Anımatorlardyń kásibı komandasy árbir balaǵa eshqashan umytylmas erekshe áser syılaıdy.
Rixos Water World Aktau — memlekettiń jeke ınvestorǵa qanshalyqty jaǵdaı jasaıtynyn, ólkeni ınjenerlik jelilermen jáne avtokólik joldarymen qamtamasyz etetinin, al ınvestordyń óz kezeginde ádemi týrıstik nysan salatynyn kórsetetin jarqyn mysal. Qazaqstandaǵy týrızm dál osyndaı seriktestik arqyly damýy tıis. Munda árkimniń óz róli bar: memleket kepildikter men sharttardy qamtamasyz etedi, al ınvestor dál sol orynda týrıstik ónim shyǵarady. Týrızmdi damyta otyryp, biz negizgi problemamen – joldyń nemese jatyn orynnyń bolmaýymen betpe-bet kelemiz. Áıtse de durys yntymaqtastyqtyń arqasynda bul problemalar óziniń úılesimdi sheshimin tabady. Eske sala keterligi, Kaspıı teńiziniń jaǵajaıy týrıstıfıkasııanyń respýblıkalyq kartasynyń TOP-10 qataryna engen bolatyn. Bul karta – memleket eń birinshi kezekte damytatyn eldiń áleýetke ıe týrıstik baǵyt-baǵdary", - dep atap ótti "Kazakh Tourism" UK" AQ Basqarma Tóraǵasy Erjan Erkinbaev.
Osylaısha, qazaqstandyqtarǵa eldiń tabıǵaty eń kórkem óńirleriniń biri – Mańǵystaý, Aqtaý qalasyna sapar shege otyryp, jaılylyqpen týǵan mekendi zertteýde jańa múmkindik týyp otyr.
