Tabystaý rásimnen keıingi suhbat barysynda qazaqstandyq dıplomat Qaýymdastyqtyń Ońtústik-Shyǵys Azııadaǵy kópjaqty yntymaqtastyqty ilgeriletýdegi jáne aımaqtyq ıntegrasııany qamtamasyz etýdegi basty rólin atap ótti.
Elshi Qazaqstannyń qaýipsizdik pen turaqty damý salasyndaǵy jahandyq jáne aımaqtyq kún tártibiniń qalyptasýy men júzege asyrylýyna eleýli úles qosyp otyrǵanyn, ıadrolyq qarýsyzdaný jáne taratpaý salasyndaǵy kóshbasshylardyń biri ekenin, Terrorızmnen azat álemge qol jetkizý tártibi kodeksi men Iаdrolyq qarýdan azat álemge qol jetkizý jónindegi jalpyǵa birdeı deklarasııa jáne basqa da birqatar mańyzdy halyqaralyq bastamalardyń avtory bolyp tabylatynyn atap ótti.
Osyǵan baılanysty Elshi Qazaqstan men ASEAN arasyndaǵy yntymaqtastyqty damytýdyń úlken áleýetin atap ótti jáne Qaýymdastyqpen ózara yqpaldastyqty nyǵaıtýǵa daıyn ekendigin jetkizdi.
О́z kezeginde Bas hatshy D.Sarekenovti ASEAN janynda Elshi retinde akkredıttelýimen quttyqtap, Ortalyq Azııadaǵy eń iri ekonomıka jáne memleketpen ekijaqty formatta da, ShYU-ASEAN jáne EAEO-ASEAN baǵytyndaǵy ózara túsinistik týraly memorandýmdar sheńberinde de yntymaqtastyqty damytýǵa qyzyǵýshylyq bildirdi.
Suhbat sońynda taraptar Qazaqstan men Qaýymdastyqtyń ózara is-qımyl bolashaǵyn talqylap, yntymaqtastyqtyń áleýetti baǵyttaryn zertteýge jáne anyqtaýǵa kelisti.
