Sýǵa ketip qaza tapqan 7 adamnyń ekeýi jasóspirim bala. Qaıǵyly oqıǵa Naýryzym, Fedorov, Qarasý, B. Maılın, Sarykól, Meńdiqara aýdandary men Qostanaı qalasynyń mańyndaǵy ózen-kólderde oryn alǵan. Bul jaǵdaılardyń barlyǵy sýǵa shomylýǵa arnaıy ruqsat etilmegen jerlerde, balyq aýlaýǵa tyıym salynǵan sý aıdyndarynda bolyp otyr. Sýǵa ketkenderdiń ishinde alkogoldik ishimdik ishkender bar.
"О́kinishke qaraı, bıyl 2 bala sýǵa ketip qaza bolyp otyr. 23 mamyr kúni saǵat 15.00-de Naýyrzym aýdany Qoja aýylynda ruúqsat etilmegen jerge shomylǵan 9 jasar bala batyp ketti. Bala aýyl shetindegi jasandy sý qoımasynyń janynda oınap júrgen. Sosyn sýǵa túsip kórmek bolǵan. Onyń sońy qaıǵyly oqıǵamen aıaqtalyp otyr. 11 maýsymda Qostanaı oblysy bilim basqarmasyna qarasty otbasylyq úlgidegi "Januıa" balabaqshasynyń tárbıelenýshisi qaıǵyly oqıǵaǵa ushyrady. Balalar demalys kúni tárbıeshilermen sýǵa shomylýǵa barǵan. Tárbıeshi bir sát qaraýsyz qaldyrǵan. Nátıjesinde baladan aıyrylyp qalyp otyr. Qazir bul oqıǵanyń anyq-qanyǵy tekserilip jatyr", - dedi R. Qabylbekov.
25 mamyrdan bastap oblystaǵy qutqarýshy kúshter joǵary kúsheıtilgen rejimde jumys isteý tártibine kóshken. Qazir sý jaǵasynda demalýshylarǵa qaýipsizdik sharalaryn saqtaý týraly nasıhat sharalary júrgizilip, qaıǵyly oqıǵanyń aldyn-alý maqsatynda oıyn-jattyǵýlar uıymdastyrylýda.
Qostanaı oblysy
