– Osy ýaqytqa deıin «Ne úshin dáriger boldym?» degen saýalǵa bas qatyryp kórmeppin. Barlyq áriptesterim solaı oılaıtyn shyǵar. О́ıtkeni medısınalyq bilim alýǵa nıet etip, oqýǵa qujat tapsyrǵan kezde biz ózimizdiń tańdaýymyzdy jasap qoıdyq qoı. Máselen, dáriger bolý úshin basqa mamandyq ıesine qaraǵanda uzaq jyl oqýǵa týra keledi. Bizdiń qatarlastarymyz dıplom alyp, eńbekke aralasyp, eleýli bolyp jatqanda biz jas maman bolyp endi ǵana ınstıtýt bitirip shyqtyq. Jalpy, adamnyń jigeri men qulshynysyn alǵa jetelep otyratyn onyń bolashaqtaǵy jospary bolsa kerek. Iаǵnı adam óz jolyn durys tańdaý arqyly súıikti mamandyǵyn meńgerip, onyń jemisin adamdarǵa usynýy tıis. Menińshe, «Ne úshin dáriger boldym?» degen saýaldyń jaýaby osynda jatqan sııaqty, – deıdi Eńbekshiqazaq aýdandyq aýrýhanasy Juqpaly aýrýlar bóliminiń dárigeri Ásem Omarova.
Aıtpaqshy, bul aýdan – juqpaly indet oshaǵyna aınalǵan aımaqtyń biri. Qazir derttiń asqynýy men taralýy azdap seıilgenimen, qaýip deńgeıi áli de joǵary. Aýrýhanada koronavırýspen kúres kezeńinde úsh satyly stasıonarlyq ortalyq uıymdastyrylǵan. Aýrýhanadaǵy karantın stasıonary 13 naýryzdan bastap ashylyp, qazirge deıin eki júzge jýyq pasıent qabyldaǵan. Em alǵan 100 naýqas tolyqtaı ońalyp, úılerine barýǵa ruqsat alypty. Al provızorlyq stasıonar Tótenshe jaǵdaı jarııalanǵan alǵashqy kúnnen bastap qyzmetke kirisken. Osy aralyqta provızorlyq baqylaýǵa jalpy 86 pasıent alynsa, onyń sekseni tolyq emdeý kezeńinen ótip, dertten aıyqqan eken. Sondaı-aq aýrýhanadaǵy ınfeksııalyq stasıonar da 29 naýryzdan bastap koronavırýsqa shaldyqqan pasıentterdi qabyldaı bastady. Munda 84 pasıent jatyp, jazylyp shyqqan.
– Jumys qanshalyqty qıyndaǵanymen, qabaq shytýǵa qaqymyz joq. Qolymyzdan kelgeninshe naýqastardy bar kúsh-jigerimizdi salyp emdep, juqpaly dertten aıyǵýǵa úles qostyq. Jaqynda aýrýhana janynan PTR zerthanasy ashyldy. Bul bizdiń jumysymyzdy jeńildetti. Naýqastar úshin der kezinde tıisti em qabyldaýǵa múmkindik berdi. О́ıtkeni polımerli tizbekti reaksııa taldaýy arqyly adam boıynda koronavırýs ınfeksııasynyń bar-joǵyn jyldam ári naqty anyqtaýǵa bolady. Iаǵnı zerthana jumysy molekýlıarly bıologııa tásilimen júrip, fermentterdiń kómegimen juqpaly indettiń izin erte taýyp, emdeı alamyz, – deıdi ınfeksıonıst-dáriger Ásem Bıhasymqyzy.
Almaty oblysy
