Aımaqtar • 19 Maýsym, 2020

Murat Áıtenov shymkenttikterdi qala kúnimen quttyqtady!

499 ret kórsetildi

Osydan týra eki jyl buryn 19 maýsym kúni Elbasy Nursultan Nazarbaev Shymkentke respýblıkalyq qala mártebesin berý týraly Jarlyqqa qol qoıǵan bolatyn. Sonan beri osy aıtýly data Shymshahardyń qala kúni bolyp bekitildi. Búgin sol aıtýly merekege oraı Shymkent qalasynyń ákimi Murat Áıtenov shymkenttikterdi mereıli merekemen quttyqtady, dep jazady Egemen.kz

"Qurmetti shymkent qalasynyń turǵyndary men qonaqtary! Sizderdi Qala kúni merekesimen shyn júrekten quttyqtaımyn! 

Elbasy Nursultan Nazarbaevtyń tarıhı Jarlyǵymen Shymkentke respýblıkalyq qala statýsy berilgenine, mine, eki jyl tolyp otyr. Osy bir qysqa merzimde elimizdegi úshinshi megapolısti kórkeıtý men damytý jolynda iri jobalar qolǵa alynyp, naqty ister júzege asýda.

Prezıdentimiz Qasym-Jomart Toqaev: "Qazir bizge Táýelsizdiktiń jetistikterin eselep, elimizdi damýdyń jańa sapaly kezeńine shyǵarý múmkindigi berilip otyr", degen edi bıylǵy halyqqa arnaǵan Joldaýynda. Osy oraıda Shymkent te óziniń damý dınamıkasynda shyn máninde sapaly satylarǵa kóterilip, zamanaýı ınfraqurylym qalyptasyp, jańa shaǵynaýdandar, kórikti ǵımarattar jyl sanap kóbeıip kele jatqanyna ózderińiz kýásizder.

Bıylǵy jyl qazaq halqynyń rýhanı ómirinde asa mańyzdy oryn alyp otyrǵany belgili. Respýblıka kóleminde ekinshi ustaz Ábý Nasyr ál-Farabıdiń 1150 jyldyq jáne hakim Abaı Qunanbaıulynyń 175 jyldyq mereıtoıy toılanýda. Oǵan qosa Shymkent qalasy úshin de aıryqsha mańyzdy oqıǵalarǵa toly jyl. Shymkenttiń 2200 jyldyq mereıtoıy IýNESKO kóleminde atap ótiledi jáne bizdiń súıikti qalamyz TMD elderiniń mádenı astanasy mártebesine ıe bolyp otyr.

Bul − biz úshin zor qýanysh! 

Mádenı astana mártebesi Shymkentke beker berilgen joq. Kún shýaqty shaharymyz  – meıirimdi, eńbekqor ári talantty adamdar turatyn qala. Ol – jańa ǵasyrdaǵy Qazaqstan óneri men mádenıetiniń altyn besigi. Mereke aıasyndaǵy  dostastyq memleketteri arasyndaǵy birlik pen yntymaqtastyqty damytýǵa serpin berip, ulttyq mádenıet pen ónerimizdi halyqaralyq deńgeıde nasıhattaýǵa, Shymkenttiń halyqaralyq arenadaǵy abyroıy men bedelin arttyrýǵa  jol ashady. "Shymkent – TMD-nyń mádenı astanasy" jylynyń resmı ashylýy naýryz aıynda ótýi tıis edi. Alaıda, álemdi jaılaǵan pandemııaǵa baılanysty mundaı aýqymdy is-sharany ótkizýge tyıym salyndy. Sol sebepti saltanatty ashylý rásimi de, mádenı is-sharalar da onlaın rejimde ótýde. Qazirgi kúrdeli jaǵdaıǵa qaramastan kóne Shymkent qalashyǵy – sıtadeldi qalpyna keltirý jumystary jalǵasyn tabýda. Ashyq aspan astyndaǵy bul ǵajaıyp mýzeı qala turǵyndary men qonaqtarynyń zor qyzyǵýshylyǵyn týdyrady.    

Qadirli shymkenttikter! Bizdiń súıikti  Shymkentimizdiń bolashaǵy jarqyn ekenine kámil senemiz! 

Qazir qalamyzdy qaýipsiz ári ómir súrýge jaıly etý maqsatynda kóptegen jumystar atqarylýda. Bıyl úshinshi megapolıste kópqabatty 136 úı nemese 7 561 páter paıdalanýǵa beriledi. Qoǵamdyq kólik júıesin tolyǵymen jańǵyrtý bastaldy. 1 tamyzdan bastap jańa júıe engizilip, jyl sońyna deıin qalaǵa 590 avtobýs ákelinedi. Shymkent áýejaıynda jańa jolaýshylar termınaly salynýda. Sondaı-aq Kongress-holl, amfıteatr, "Sıtadel" mýzeıi boı kóterýde. Temirjol vokzaly, ortalyq stadıon, Shymkent memlekettik zoobaǵy, dendrosaıabaq jańyrtylyp jatyr. Qalanyń negizgi sý arnasy – Qoshqar ata ózeniniń boıy abattandyrylýda. Atshabar aýmaǵynda etnoqalashyq salý, 47 gektar jerge jańa saıabaq ósirý, Shymkent-Sıtı turǵyn alabynda kópfýnksıonaldy sport keshenin salý boıynsha jumys jalǵasyn tabýda.

Qurmetti qala turǵyndary! 

Qazaqstandaǵy úshinshi qalanyń gúldenýi – shymkenttikterdiń patrıotızmi men belsendiligine baılanysty. Týǵan jerge, shyraıly shaharymyzǵa janashyrlyqpen qarap, qamqorlyq tanytý – perzenttik paryzymyz. Shymqalamyz kórikti, elimiz aman, aspanymyz ashyq bolsyn!", delingen ákim quttyqtaýynda.

Sońǵy jańalyqtar

Parıjge syımaǵan Pol

О́ner • Búgin, 21:16

Baıaǵy jartas – sol jartas...

Sport • Búgin, 21:15

Eshkimnen jeńilmegen sańlaqtar

Sport • Búgin, 21:11

Qarttar úıindegi vals

Qoǵam • Búgin, 21:05

«Barys» jańa oıynshymen tolyqty

Hokkeı • Búgin, 21:00

Aqtaýdaǵy «Dombyra-dastan» aksııasy

Aımaqtar • Búgin, 20:47

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Uqsas jańalyqtar