"Men úshin Pele, Maradona, Lıonel Messı jáne Krıshtıaný Ronaldýdyń tórttigine teń keler eshkim joq. Eshkimge uqsamaıtyn óziniń oıyn mánerlerimen olar álemdik fýtbol tarıhynda óshpeıtuǵyn iz qaldyryp ketti. Árqaısysy óz dáýirleriniń teńdessizderi. Sol sebepti de men aıtýly teńbil dop sheberlerin bóle-jara atap otyrmyn, - deıdi Ronaldo.
Sonymen qatar Brazılııanyń shoq juldyzy Muhammed Salah, Eden Azar, Neımar jáne Kılıan Mbappeniń ónerine erekshe súısinetinin tilge tıek ete otyryp, olardyń da bolashaǵy jarqyn ekenine qylaýdaı da kúmán keltirmeıtini aıtqan edi.
43 jastaǵy Ronaldo da kezinde óz dáýiriniń shoq juldyzdarynyń biri boldy. 1993-2011 jyldar aralyǵynda "Krýzeıro", PSV, "Barselona», "Inter", "Real", "Mılan" jáne "Korıntıansta" oınady. Klýbtyq deńgeıde 384 kezdesý ótkizip, 280 ret nysanany dál kózdedi. Brazılııanyń jasóspirimder, olımpıadalyq jáne ulttyq quramalary sapynda óner kórsetip, eki dúrkin álem chempıony, álem chempıonatynyń kúmis júldegeri, Konfederasııa kýbogynyń jeńimpazy, Amerıka kýbogynyń eki júrkin jeńimpazy jáne Atlanta Olımpıadasynyń qola júldegeri atandy.
Ronaldo 1996, 1997, 2002 jyldary FIFA-nyń tańdaýy boıynsha jyl oıynshysy atandy. 1997 jáne 2002 jyldary «Altyn dopty» ıelendi. 1997 jyly "Altyn býtsyny" enshiledi. Aıtýly fýtbolshy odan basqa taǵy da kóptegen ataqtarǵa qol jetkizdi.
