Qazaqstandyq fýtbolshy Konstantın Gorovenko bapkerlik mansabyn 2010 jyly "Suńqar" komandasynda bas jattyqtyrýshynyń kómekshisi retinde bastaǵan. Osy klýbta úsh jyl eńbek etkennen keıin qyzmetin Almatydaǵy fýtbol akademııasynda jalǵastyryp, "Qaırat-1998" komandasynyń bas jattyqtyrýshysy boldy.
2015 jyly "Qaırat" fýtbol klýbynyń bas bapkerine kómekshi bolyp taǵaıyndalǵan. Arada eki jyl ótkende birinshi lıgada óner kórsetetin "Qaırat A" komandasynyń bas jattyqtyrýshysy boldy da, óziniń osy ujymdaǵy alǵashqy maýsymynda qola júldege qol jetkizdi.
Sońǵy eki maýsymda Konstanın Gorovenko birinshi lıgada óner kórsetetin "Jetisý B" klýbynyń bas bapkeri boldy.
Bir qyzyǵy, "Shahter" komandasyna kele salyp, jańa bas bapker qaıtadan jandanǵan el chempıonatyna daıyndyq aıasynda óziniń burynǵy klýby – "Jetisý B" komandasymen joldastyq kezdesý uıymdastyrdy. Tartysty ótken oıynda kenshiler klýbynyń birinshi lıga komandasyna áli kelmedi. Esep – 0:0.
