"Qurmetti áriptester! Barshańyzdy kásibı merekemiz – Medısına qyzmetkerleri kúnimen shyn júrekten quttyqtaımyn! COVID-19 pandemııasy kezinde juqpaly aýrýlar aýrýhanasynda, provızorlyq stasıonar, jedel medısınalyq járdem stansııalary men jalpy, barlyq densaýlyq saqtaý uıymdarynda medısına qyzmetkerleri patrıottyq sezimmen, joǵary jaýapkershilikpen, kásibı biliktiligin kórsetip, eńbek etýde.
Qazir sizder aıanbaı ár pasıenttiń ómirin saqtap qalýdasyzdar. Aldaryńyzǵa kómek surap kelgen adam ǵana medısına qyzmetkerleriniń naýqasqa degen erekshe meıirimin, ár pasıentke muqııat qaraıtynyn qasıeti men sheberligin kóredi, sezedi.
Táýlik boıy, mereke kúni de aldyńǵy shepte júrgen barlyq medısına qyzmetkerine sheksiz alǵys aıtqym keledi.
Qazaqstandyq dárigerlerdiń osyndaı qıyn ýaqytta basymyzǵa túsken aýyrtpalyqty jeńe alatynyna senimdimin. Men buǵan qazir áriptesterimniń qolynda emdelip jatyp taǵy kóz jetkizdim - olar óz isiniń kásibı sheberi. Barshańyzǵa myń alǵys!", dep jazdy Eljan Birtanov.
Sondaı-aq mınıstr medısına salasyndaǵy oń ózgeristerdi atap ótti.
"Sońǵy jyldary otandyq medısınada kóp nárse túbegeıli ózgerdi: densaýlyq saqtaý salasynda medısına ǵylymy men aqparattyq tehnologııalar damýda, jańa joǵary tehnologııalyq ortalyqtar salyndy. Jaqynda ǵana eń qysqa merzimde, 2 apta ishinde elimizdiń úlken megapolısterinde juqpaly aýrýlar aýrýhanasyn saldyq.
Aýrýhanalar men emhanalardy jabdyqtaý aıtarlyqtaı jańartyldy, joǵary tehnologııalyq medısınalyq kómektiń qoljetimdiligi ósti.
Qazir halyq densaýlyǵy týraly Kodeks Memleket basshysynyń qol qoıýyna jiberildi, qujatta Prezıdenttiń tapsyrmasy boıynsha qoǵamda medısına qyzmetkeriniń mártebesin arttyrý, quqyqtary men múddelerin qorǵaý jónindegi normalar bar. Bul barlyǵymyz úshin, eń aldymen bizdiń azamattarymyzdyń densaýlyǵyn qorǵaý úshin úlken qadam jáne jetistik dep senimmen aıta alamyn.
Osy ózgeristerdiń barlyǵy sizderdiń eńbekterińiz, áriptester! Taǵy da atap ótkim keledi, qazir eń bastysy – elimizde pandemııaǵa qarsy kúresti jalǵastyrý qajet, al biz birge mindetti túrde jeńemiz!
Sizderdiń adal eńbekterińizdi joǵary baǵalaımyz jáne onyń qadirin bilemiz. Qyzmetterińizge tabys, bolashaqqa senim men otbasylaryńyzǵa amandyq tileımin! О́zderińizge saq bolyńyzdar. Denderińiz saý bolsyn!", dep jazdy Eljan Birtanov.
