Qazaqstan • 19 Maýsym, 2020

Áskerge shaqyrýdy uıymdastyrý men ótkizýge tolyqtyrýlar engiziledi

421 ret

kórsetildi

1 mın

oqý úshin

"Qazaqstan Respýblıkasynyń azamattaryn áskerı qyzmetke shaqyrýdy uıymdastyrý jáne júrgizý qaǵıdalaryn bekitý týraly" Qazaqstan Respýblıkasy Úkimetiniń 2012 jylǵy 15 mamyrdaǵy №620 qaýlysyna tolyqtyrýlar engizý týraly" QR Úkimeti qaýlysynyń jobasy ázirlendi, dep habarlady Qorǵanys mınıstrliginiń baspasóz qyzmeti.

Suńǵat ÁLIPBAI

Áskerge shaqyrýdy uıymdastyrý men ótkizýge tolyqtyrýlar engiziledi

Atap aıtqanda, ereje kelesi tarmaqtarmen tolyqtyryldy:

- 39-1 "Merzimdi áskerı qyzmetke shaqyrylýǵa jatatyn áskerge shaqyrylýshylardyń medısınalyq komıssııadan ótý kezeńinde jumys orny (laýazymy), jergilikti áskerı basqarý organdaryna shaqyrý týraly qaǵazy bolǵan kezde jumys orny boıynsha jalaqysy saqtalady, al merzimdi áskerı qyzmetti ótkerý kezeńinde jumys orny (laýazymy) saqtalady.)";

- 76-1 "Áskerı jıyndarǵa shaqyrylýǵa jatatyn áskerı mindettilerdiń medısınalyq komıssııadan ótý kezeńinde jumys orny (laýazymy), jergilikti áskerı basqarý organdaryna shaqyrý qaǵazy bolǵan kezde jumys orny boıynsha jalaqysy saqtalady".

Joba QR Eńbek kodeksiniń 124 baby, 3 tarmaǵyna sáıkes ázirlendi.