Elimizde koronavırýs pandemııasynyń qaıta kúsheıýine baılanysty jasy 65-ten asqan qarııalar kóshege shyǵýdan, qoǵamdyq oryndarǵa barýdan bas tartý týraly epıdemıolog mamandar jıi aıtady. Mundaı jaǵdaıda ásirese jalǵyzbasty jandarǵa kómek kerek-aq.
Mine, oraldyq jaýyngerler de "Biz birgemiz!" qaıyrymdylyq sharasy aıasynda jergilikti Qyzyl Jarty aı qoǵamymen birge Oral qalasynda turatyn qarııalarǵa áleýmettik kómek kórsetti. Sarbazdar bir kúnniń ishinde 30 adamnyń úıine un, jarma, et, sút ónimderi, qant jáne basqa asa qajetti taýarlardy jetkizip berdi.
5517 áskerı bólim komandıriniń tárbıe jáne áleýmettik-quqyqtyq jumystar jónindegi orynbasary, podpolkovnık Jánibek Sársenovtiń aıtýynsha, bul aksııaǵa qatysatyn jaýyngerler arnaıy iriktelip, densaýlyǵy tekserilip, qyzýy ólshenip, jeke qorǵanysh quraldarymen qamtamasyz etilip jiberiledi eken. Eń bastysy kómekke muqtaj egde turǵyndar nazardan tys qalmaýy kerek. "Mundaı úrdis aldaǵy kúnderde de jalǵasady" deıdi Qazaqstan Respýblıkasy Ulttyq ulany "Batys" óńirlik qolbasshylyǵy baspasóz qyzmetiniń bastyǵy, podpolkovnık Erbolat Sultanov.
Batys Qazaqstan oblysy
