"Qurmetti aq halatty abzal jandar! Sizderdi kásibı merekelerińiz – Medısına qyzmetkerleriniń kúnimen shyn júrekten quttyqtaımyn!
Qaı kezeńde de kónermeıtin, qaıta kún ótken saıyn quny arta túsetin bir mamandyq bolsa, ol – dárigerlik. Qazirgi tańda ár adam shyr etip dúnıege kelgen sátten bastap búkil ómir boıy osynaý abzal jandardyń qamqorlyǵynda bolady desek, artyq aıtpaımyz.
Bas aýyryp, baltyr syzdamaı turmaıtyn myna jalǵanda árbir jannyń aldymen izdeıtini – dertke dárý, júrekke jylý syılar dáriger. Qanatymen sý sepken qarlyǵashtaı árkez janymyzdan tabylyp, aýrýǵa shıpa, kóńilge shýaq uıalatatyn da – Sizdersizder. Sondyqtan da dana halqymyz "Áýelgi baılyq – densaýlyq" dep tujyrymdap, qashanda dertke daýa, kóńilimizge dem berer shıpager jandardy erekshe qadirlegen.
Osynaý qasterli joldy jalǵap júrgen Sizder qandaı qurmetke bolsyn laıyqsyzdar.
Dúnıeni dúrbeleńge salǵan qaterli indet órship turǵan kezeńde myltyqsyz maıdannyń aldyńǵy sheptegi jaýyngerlerine aınaldyńyzdar. Úı betin kórmeı, óz ómirlerińizdi qaterge tige otyryp, kúni-túni indetpen kúresip júrsizder. Árbir naýqastyń ómiri men saýlyǵy úshin jan aıamaı arpalysqan Sizderge aıtar alǵysymyz sheksiz.
Sondyqtan da "Nur Otan" partııasy árdaıym ult densaýlyǵy, onyń ishinde shıpager mártebesi máselesin óz kún tártibinen túsirmeı, basty basymdyq retinde ustaıdy. Jaqynda qabyldanǵan Kodeks – osynyń shyn kórinisi.
Statıstıkalyq derekterge júginsek, elimizde 74 myńdaı dáriger, 180 myńǵa jýyq orta býyn medısına qyzmetkeri bar. Gıppokrat antyn bekem ustanǵan, Otanǵa, elge qaltqysyz qyzmet etýshi qanshama taǵdyr. Zamanymyzdyń shyn batyrlary – dárigerlerge Memleketimiz de, partııamyz da tıisinshe qoldaý kórsetýge umtylýda. Qyzyǵy men shyjyǵy qatar júrgen myna ómirde bul úrdis ári qaraı da jalǵasyn taba bermek.
Sizderdiń kúsh-jigerlerińizdiń arqasynda qaterli dertti aýyzdyqtap, qalypty tirshiligimizge tezirek oralatynymyzǵa senimdimin.
Aq halatty, abzal júrekti barsha dárigerler qaýymyn taǵy da quttyqtaı otyryp, myqty densaýlyq, otbasylaryna amandyq, isterine bereke tileımin. Biz birgemiz!" - dep jazdy ol.
