Burnaǵy kúni Qorshaǵan ortany qorǵaý mınıstri Nurlan Qapparov Parlament Májilisiniń Úkimet saǵatynda esep berdi. Bul kezdesý depýtattar tarapynan úlken qozǵalys týǵyzyp, vedomstvo basshysyna suraq bergisi keletinderdiń qataryn kóbeıtip jiberdi. Biraq ýaqyttyń tyǵyzdyǵyna baılanysty osy qatardaǵy qyryqqa jýyq tilek bildirýshilerdiń jartysy ǵana saýaldaryn qoıyp úlgerdi.
Burnaǵy kúni Qorshaǵan ortany qorǵaý mınıstri Nurlan Qapparov Parlament Májilisiniń Úkimet saǵatynda esep berdi. Bul kezdesý depýtattar tarapynan úlken qozǵalys týǵyzyp, vedomstvo basshysyna suraq bergisi keletinderdiń qataryn kóbeıtip jiberdi. Biraq ýaqyttyń tyǵyzdyǵyna baılanysty osy qatardaǵy qyryqqa jýyq tilek bildirýshilerdiń jartysy ǵana saýaldaryn qoıyp úlgerdi.
Depýtat Raýan Shaekın ózine kezek kelgende, taǵy da «Baıqońyr» men «Proton» máselesin kóterdi. «Mysaly, 1999 jyldary Qaraǵandy oblysyna eki márte zymyran ushyrǵysh qulaǵanda Reseı 10 mıllıon dollar ótemaqy tólegen. Sebebi, ol kezde, topyraq, aýa, sý arnaıy tekseristen ótetin. Biz sizderge aıttyq, jyl saıyn skrınıngtik, bıologııalyq testiler ótkizý kerek dep. Osy sharalar oryndalǵan bolsa, biz Reseıge zalal mólsherin oılanbastan aıtýshy edik», – dedi ol.
Aqıqatynda elimizdiń Qorshaǵan ortany qorǵaý mınıstrligi budan buryn birneshe ret «Roskosmos» ókilderimen kezdesip, zymyrandardyń ushyrylýyn azaıtýdy, ekologııalyq qaýipti geptıldi qoldanbaýdy suraǵan bolatyn. Alaıda, ázirge odan esh qaıran bolmaı tur.
Buǵan mınıstr bylaı dep jaýap berdi:
– Bizdiń qyzmetterimizdiń Baıqońyr aýmaǵynda tekserister júrgizýge esh quzyreti joq. Jaldamaly jer ol. «Proton» máselesi boıynsha biz Reseıge birneshe talap qoıǵanbyz. Onyń ishinde zymyrandardyń ushyrylýyn azaıtýdy, ekologııalyq qaýipti geptıldi qoldanbaýdy suraǵanbyz. Endi qazaqstandyq tarap Baıqońyr aýmaǵynda bizdiń Ekologııalyq kodekstiń kúshin engizý týraly kelissózder júrgizýde. Reseılik áriptesterimiz ótinishti quptaıdy degen úmittemiz.
Bul prınsıpti másele depýtattar tarapynan úlken qoldaý aldy. Budan ári Nurlan Qapparov elimiz sýdy paıdalanýdyń tıimdiligin arttyrý boıynsha jedel sharalar qabyldamaıtyn bolsa, sý tapshylyǵyna sanaýly ýaqytta tap bolatyndyǵymyzdy qadap aıtty. Osy oraıda, Qorshaǵan ortany qorǵaý mınıstrligi Ertis pen Esil ózenderi arnasyn qosatyn sý kanaly qurylysyn iske asyrýdy josparlap otyrǵandyqtaryn málim etti. «100 mıllıard teńgelik joba jylyna 1 mıllıard tekshe metr sýmen qamtamasyz etedi», – dedi N.Qapparov.
«Nátıjesinde Astana aýmaǵynda 3 kól, syrtynda 1 kól ıaǵnı birneshe sý qoımalary paıda bolady dep josparlanýda. Olardyń árqaısysynda boljammen 2 mıllıard tekshe metr sý bolady. Bul 30-dan astam eldi mekendi aýyzsýmen qamtýǵa múmkindik beredi», – dedi Nurlan Qapparov.
Aýyzsýmen qamtamasyz etýge arnalǵan bul jobany depýtattar quptady. Endigi rette qarjylandyrý máselesin sheshý qajet.
Rýslan IGILIK.
