Álem • 22 Maýsym, 2020

Talıban 14 aýǵan tutqynyn bosatty

85 ret kórsetildi

"Talıban" radıkaldyq uıymy 14 aýǵan tutqynyn bosatty, dep málimdedi Katardaǵy qozǵalys saıası keńsesiniń ókili Sýheıl Shahın. Bul týraly RIA NOVOSTI-ge silteme jasaı otyryp Egemen.kz habarlaıdy.

"Kabýl ákimshiliginiń 14 sarbazy men polısııasynyń taǵy bir toby Logar, Nangarhar jáne Nýrıstan provınsııalaryndaǵy Islam Emıratynyń túrmelerinen bosatylyp, olardyń otbasylaryna jiberildi", dep jazdy S.Shahın óziniń Twitter paraqshasynda.

Buǵan deıin Aýǵanstan Ulttyq qaýipsizdik keńesiniń ókili Djavıd Feısal úkimettiń keminde 3 myń tutqyndy bosatqanyn málimdedi. Osyǵan sáıkes "Talıban" aýǵan bıliginen AQSh-pen jasalǵan kelisim negizinde taǵy da 5 myń tutqyndy bosatýdy talap etip otyr.

Aqpan aıynyń sońyna qaraı, Katarda ótken saltanatta Amerıka Qurama Shtattary men Talıban 19 jylǵa sozylǵan soǵystyń alǵashqy beıbit kelisimine qol qoıdy. Onda shet eldik áskerı kúshterdiń Aýǵanstannan 14 aı ishinde shyǵarylýy jáne tutqyndarmen almasý kelisiminen keıin aýǵanaralyq dıalogtyń bastalýy qarastyrylǵan.

Sońǵy jańalyqtar

Erteń Qazaqstan quramasy Beıjińge attanady

Qysqy sport • Búgin, 11:15

Uqsas jańalyqtar