Bul aýrýhanadaǵy ınfeksııalyq stasıonar 180 kereýet bar. Qazir orynnyń jetispeýshiligi týnydap otyr. Sol sebepten, Mahambet aýdanynyń týberkýlez aýrýhanasynda 100 oryndyq ınfeksııalyq bólimshe ashyldy. Bul bólimshege aýrýy jeńil aǵymda ótip jatqan 15-20 naýqas jiberiletin bolady.
"Jumys kúsheıtilgen rejımde júrgizilýde. Soǵan qaramastan, medısına qyzmetkerleri barlyq naýqastyń jaǵdaıyn qadaǵalap, em júrgizip jatyr. Naýqastardyń arasynda jaǵdaıy aýyr pasıentter bar. Biz olardy reanımasııa bólimshelerine jáne ınfeksııalyq stasıonarǵa jiberemiz. Barlyq dáriger ádettegideı jumys isteıdi. Aýdandarda dári-dármektermen jáne jeke qorǵanys quraldarymen jetkilikti mólsherde qamtamasyz etilýde", - dedi Nurlybek Qabdyqaparov.
Búgin Atyraýda koronavırýs ınfeksııasyn juqtyrǵan 38 adam tirkeldi. Onyń 33-i Atyraý qalasynyń turǵyndary bolsa, ózgeleri Isataı, Inder jáne Mahambet aýdandarynan anyqtalyp otyr.
Jalpy, óńirde qaýipti indetke shaldyqqandardyń sany 1440-qa jetti. Onyń ishinde 1095 pasıent jazylyp shyqqan.
