Prezıdent • 23 Maýsym, 2020

Memleket basshysy tártip saqshylaryna alǵys bildirdi

23 ret kórsetildi

Memleket basshysy Qasym-Jomart Toqaev "Biz birgemiz" onlaın-forýmynda quqyq qorǵaý organdarynyń qyzmetkerlerine alǵys bildirdi, - dep habarlaıdy Egemen.kz.

"Quqyq qorǵaý organdarynyń da eńbegin erekshe atap ótkim keledi. Eldegi tártip saqshylaryna asa mańyzdy mindet júktelip otyr. Qoǵamdaǵy turaqtylyq pen tynyshtyq polısııanyń minsiz qyzmetine baılanysty. Sizder kúrdeli tótenshe jaǵdaı kezeńinen abyroımen óttińizder. Búginde karantın sharalarynyń saqtalýyn qadaǵalap, beketterde qyzmet etip kelesizder. Bul ońaı jumys emes. Tipti qoǵam ókilderi tarapynan synǵa ushyraǵan kezderińiz de boldy.

Árıne kásibı turǵydan biliksizdik tanytqandar da boldy. Osyndaı jekelegen jaǵdaılar búkil quqyq qorǵaý organdarynyń bedeline zııan keltiredi. Degenmen tártip saqshylarynyń basym bóligi adal qyzmet etip jatqan azamattar. Buny eshkim joqqa shyǵara almaıdy.

Osy rette IIM qyzmetkerlerin kásibı merekelerimen quttyqtaımyn. Memlekettik qyzmetshilerdiń jáne aq halatty abzal jandardyń tól merekeleri qutty bolsyn. Otan aldyndaǵy sertke berik bolǵandaryńyz úshin barshańyzǵa alǵys aıtamyn", - dedi Prezıdent.

Sońǵy jańalyqtar

Uqsas jańalyqtar