Qazaqstan • 23 Maýsym, 2020

Koronavırýspen kúres: 343 adam "Halyq alǵysy" medalimen marapattaldy

29 ret kórsetildi

Ortalyq kommýnıkasııalar qyzmetinde ótken "Biz Birgemiz" onlaın-forýmynda koronavırýs pandemııasymen kúreste erekshe kózge túsken azamattar "Halyq alǵysy" medalimen marapattaldy, dep jazady Egemen.kz

Densaýlyq saqtaý, bilim berý, áleýmettik qorǵaý jáne pandemııa men kúreste eleýli eńbek etip, jemisti jumys istegeni úshin respýblıka boıynsha túrli salanyń 343 mamany marapattalady. Olardyń arasynda 60 dáriger, 39 polıseı, 30 áskerı qyzmetshi, 41 volonter, 34 mesenat, 38 mádenıet jáne bilim ókilderi, 25 BAQ qyzmetkeri bar. Marapatty QR Prezıdenti Ákimshiligi Basshysynyń birinshi orynbasary Dáýren Abaev, QR Aqparat jáne qoǵamdyq damý mınıstri Aıda Balaeva, QR Densaýlyq saqtaý mınıstri mindetin atqarýshy Alekseı Soı, QR Ishki ister mınıstriniń orynbasary Alekseı Kalaıchıdı jáne QR Memlekettik qyzmet isteri agenttigiń tóraǵasy Anar Jaıylǵanova tabystady.

"Osy sahnada ózimniń eńbek jolymdy eske aldym. Kardıohırýrgııadaǵy 15 jylda qýanyshty jáne qaıǵyly sátter boldy. Biraq, dál búgingideı qaterli pandemııa saldaryn kórmedik. Bul koronavırýstyń ereksheligi – balalarymyz ben ata-analarymyzǵa zaqym keltirip jatyr. Búgin tańerteń óz áriptesime jansaqtaý júıesin ornattym. Bul óte qorqynyshty. Bizdiń únemi jumysta bolyp, otbasymyzdan jyraqta júrgenimiz úshin emes, vırýstyń shekaraǵa baǵynbaıtyny qorqynyshty. Baqytymyzǵa oraı, naýqastardyń kórer jaryǵy bar nemese úmitsiz dep bólip jatqan joqpyz. Barlyǵyn birdeı emdeýge tyrysýdamyz", dedi Ulttyq ǵylymı kardıohırýrgııa ortalyǵy bólimshesiniń basshysy Tımýr Lesbekov marapattaý rásiminde.

Sońǵy jańalyqtar

Tórt klýb top bastap tur

Fýtbol • Búgin, 00:00

Ezop pen Abaı

Rýhanııat • Keshe

Shyndyq pen ótirik

Qazaqstan • Keshe

Aıbardyń armany

Rýhanııat • Keshe

Túrkistanǵa 3000 jyl

Rýhanııat • Keshe

Uqsas jańalyqtar