Reseı prezıdenti Vladımır Pýtın jýrnalısterge Indonezııanyń Balı aralynda ótkizgen týǵan kúni jóninde áńgimelep berdi. Bul týraly RIA «Novostı» habarlady.
Balı aralynda ótkizilgen Azııa men Tynyq muhıty ekonomıkalyq yntymaqtastyǵy sammıti Vladımır Pýtınniń týǵan kúnimen tuspa-tus keldi. Sammıtke qatysýshylar Reseı prezıdentin gıtaranyń súıemeldeýimen óleń aıtyp, quttyqtady. «Happy birthday to you» óleńin aıtqan Azııa men Tynyq muhıty aımaǵynyń memleket basshylary arasynda AQSh prezıdenti Barak Obama bolmady. Ol AQSh memlekettik bıýdjetine baılanysty týyndaǵan qıyndyqtarǵa oraı sammıtke qatysa almady. Vladımır Pýtın týǵan kúninde Qytaı delegasııasymen sharap iship, japondar syıǵa tartqan sakeni úıine alyp kelgenin aıtty.
Azııa men Tynyq muhıty aımaǵynyń memleket pen úkimet basshylary oryndaǵan óleńnen bólek, týǵan kún ıesine sýretshi Alekseı Sergıenko men reper Kolıa Naık jazǵan «Mýjık, derjıs!» óleńi shyrqaldy.
Vladımır Pýtınniń 61 jasqa tolýyna oraı, Eýropanyń Berlın, Amsterdam, Parıj, Barselona, Madrıd pen London qalalaryndaǵy úı qabyrǵalaryna quttyqtaý sózder jazylyp, sýretter salynǵan eken.
Aıdar О́risaev.
