Cýretterdi túsirgen: Sergeı Mıronov
"Ádette memlekettik qyzmetshiler kúnin oblys ákimi men júzdegen áriptesterimizdiń qatysýymen keń zalda saltanatty túrde atap ótýshi edik, bıylsha osylaı ońasha zalda, shaǵyn ǵana top bolyp ótkizýdi jón kórdik. Karantın rejimine qaramastan biz 5 myńnan astam adam qamtylǵan 35 shara ótkizippiz. Birneshe ret Ádep jónindegi keńes ótkizdik", dedi departament basshysy.
Merekelik shara barysynda "Oblystyń eń úzdik memlekettik qyzmetshisi" baıqaýynyń jeńimpazdary marapattaldy. Úzdikter qatarynda sybaılas jemqorlyqqa qarsy kúres qyzmetiniń bas mamany Evgenıı Bedych ta bar. "Memlekettik qyzmet salasynda júrgenime 5 jyldan asty. Jumysym ózime unaıdy. Boıdaǵy jastyq qýat pen bilim-bilikti ıgi iske, memleketimizdiń damýyna jumsaýymyz kerek. Barsha áriptesterimdi búgingi kásibı merekesimen quttyqtaımyn", dedi ol.
Quttyqtaý rásiminen keıin oblystyq fılarmonııa ónerpazdarynyń onlaın-konserti bastalyp, ánshi-bıshilerge degen kórermenderdiń qoshemeti burynǵydaı dý qol shapalaqpen emes, ekran túbinen ósip shyǵyp, áldeqaıda sińip, ǵaıyp bolyp ketip jatqan sansyz lúpilder arqyly kórsetilip jatty.
Qostanaı oblysy
