Sport • 24 Maýsym, 2020

Úsh boksshynyń esimi Dańq zalyna endi

893 ret kórsetildi

AQSh-tyń Nıý-Iork shtatynda ornalasqan boksshylardyń Halyqaralyq Dańq zalyna bıylǵy jyly taǵy úsh sańlaqtyń esimi enip otyr. Olar – Hýan Manýel Markes, Sheın Moslı jáne Bernard Hopkıns, - dep habarlaıdy Egemen.kz.

Jeńil salmaqta baq synaǵan 46 jastaǵy Hýan Manýel Markes Meksıkanyń týmasy. 1993-2014 jyldar aralyǵynda ol 64 kezdesý ótkizip, 56 ret jeńiske jetti. 40 qarsylasyn esinen tandyrdy.

Jartylaı orta salmaqtaǵy Sheın Moslı 1993-2016 jyldary sharshy alańdy armansyz shaıqady. Bul kúnderi 48 jasqa tolyp otyrǵan amerıkalyq boksshy sol kezderi 61 márte rıngke kóterilip, 49 ret basymdyq tanytty. 41 básekeni merziminen buryn aıaqtady.

1

Al 55 jastaǵy Bernard Hopkıns qazaqstandyq jankúıerlerge jaqsy tanys. AQSh-tyń aıtýly boksshysy 2014 jyldyń sáýir aıynda bizdiń Beıbit Shúmenovti upaı sanymen utyp, jartylaı aýyr salmaq dárejesiniń úsh birdeı altyn belbeýin ıelendi. Tabany kúrekteı 28 jyl boıy judyryqtasqan ol 67 márte jekpe-jekke shyǵyp, 55 ret ústemdik tanytty. 32 qarsylasyn uryp jyqty. 8 ret utyldy. 2 kezdesý teń aıaqtalsa, taǵy 2 básekeniń nátıjesi esepke alynǵan joq.

2

Osy boksshylardyń barlyǵy da kezinde birneshe beldi nusqalar boıynsha chempıondyq ataqqa qol jetkizgen edi. Sonymen qatar, boksshylardyń Halyqaralyq Dańq zalyna Ketı Dýva, Lý Dı Bella jáne Den Gýssen syndy promoýterlerdiń de esimderi endi. Osy kúnge deıin dástúrli túrde uıymdastyrylyp kelgen saltanatty rásim pandemııanyń saldarynan kelesi jylǵa shegerildi.      

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar