Onda Sıfrlandyrý basqarmasy basshysynyń mindetin atqarýshy D.Álibekov qalany sapaly ınternetpen qamtamasyz etýdiń 2020-2021 jyldarǵa arnalǵan strategııalyq josparymen tanystyrdy.
Onyń aıtýynsha, bazalyq stansa ornatý úshin qala aýmaǵynan 11 jer telimi anyqtalyp, Google maps kartasynda belgilengen. Olar N. Nazarbaev dańǵyly, Arǵynbekov pen Aısha bıbi kóshesinde, Qaıtpas, Shymsıtı-Asar qıylysy, Qaınarbulaq shaǵyn aýdany, Asar shaǵyn aýdanyndaǵy ishki aınalma joly, Shymkent-Almaty tas jolynan Dostyq shaǵyn aýdany baǵytyna qaraı, Tólemetov-О́tegenov kósheleriniń qıylysyna qoıylady dep josparlanýda.
Strategııalyq josparda qalany ınternetpen qamtý máselesi boıynsha zerdeleý jumystaryn júrgizetin jumysshy top qurý, turǵyndardy sapaly ınternetpen qamtamasyz etý úshin baılanys operatorlarymen memorandým túzý, "Aqyldy kúnbaǵys" aqparattyq-tanymdyq kesheniniń qyzmetin kúsheıtý jáne sanyn arttyrý, ornatylǵan bazalyq stansalardyń adam ómirine qaýipsizdigi jóninde turǵyndar arasynda keńinen túsindirý jumystaryn júrgizý qaralǵan.
Elimizdiń sıfrlyq damý jolynda ınternet máselesiniń basty nazarda ekenin aıtqan Murat Dúısenbekuly megapolısti sapaly ınternetpen qamtamasyz etý – búgingi kúnniń basty talaby ekenin jetkizip, salalyq qala ákiminiń orynbasaryna strategııalyq jospardyń oryndalýyn qatań baqylaýdy tapsyrdy.
