Azamattardyń densaýlyqtaryna zııan keltirmeý úshin, ásirese, kópshilik jınalatyn jerlerde qaýipsizdik sharalaryn saqtaýǵa shaqyramyn.
Karantın rejımi jeńildetilgenimen, áli de saqtalýda. Sondyqtan dárigerlerdiń keńesine qúlaq salyp, talaptaryn oryndaǵanymyz abzal.
Qazaqstan kórshiles memleketter arasynda alǵashqylardyń koronavırýsqa qarsy áreketter jasady. Tótenshe jaǵdaı kezinde, karantındik shekteýlerden azamattarymyz biraz qolaısyz jaǵdaılarǵa ushyrady. Bul árıne ókinishti, biraq basqa amal joq.
Medısına salasy qyzmetkerleriniń biliktiligi men qajyrlylyǵynyń arqasynda saýyǵýshylar qatary kóbeıýde. Degenmen, onyń nátıjeli bolýyna karantın talaptaryn buljytpaı oryndalýy kerek ekeni belgili. Sondyqtan, otbasy, aǵaıyn-týystyń jáne qala berse elimizdiń keleshegi óz qolymyzda ekenin umytpaıyq!
О́kinishke oraı, indet Elbasyny da aınalyp ótpedi. Oǵan qaramastan, Nursultan Ábishuly Nazarbaev qashyqtyqtan jumys istep júr. Birneshe el prezıdentteri óz nıetterin bildirip, Qazaqstannyń tunǵysh Prezıdentine saýyǵyp ketýine tilektestik nıetterin jetkizdi. Men de shyn júrekten tilektes ekenimdi aıtqym keledi. Sonymen birge, basqa da otandastarymyzǵa saýyǵyp, otbasylarymen qaýyshqandaryn tileımin.
Osy oraıda, Memleket basshysy Qasym-Jomart Kemeluly Toqaevtyń halyqqa joldaýlarynda indetke qarsy sharalardy aıta otyryp, sabyrlyqqa shaqyrdy. El basshylyǵynyń tikeleı tapsyrmasymen indetpen kúresýge qosymsha qarjy bólinip, halyqqa qoldaý kórsetilýde.
Árıne, ómir bolǵan soń ártúrli jaǵdaı oryn alyp jatady. Osy rette, atadan qalǵan "Jumyla kótergen júk jeńil" degen sóz bar. Esterińizde bolsa, Maqtaaralǵa onyn alǵan jaǵdaı eldi alańdatty. Osy jaǵdaıda biz birligimizdi, eldigimizdi kórsettik. Ony Maqtaaraldyq aǵaıyndarymyz is júzinde sezindi. Sý basý saldarynan zardap shekken otandastarymyzǵa elimizdiń túpkir-túpkirinen kómek lezde jetizildi. Kún demeı, tún demeı kórshiles aýyl azamattary kelip, eldi mekenderdi sý basýdan qorǵady.
Jaqsylyqtyń erte keshi bolmaıdy degen babalar! El basyna is túskende qasynan tabylý ol boryshym! Aǵaıyn men joldastyń qaıǵysyn bólisý ol paryzym! Al karantındik jaǵdaıdyń talabyn oryndap, barynsha saqtaný kópshilik aldynda jáne áriptesterimniń aldynda jaýapkershiligim dep bilemin.
Sol sebepti aǵaıyndar, ár jaǵdaıǵa túsinýshilikpen qarap, keshirimdi bolaıyq. Árbir istiń sońy qaıyrymdy bolsyn. Bolǵan iske bolattaı bolaıyq!
Parlament Májilisiniń depýtattary dárigerlerdiń barlyq talaptaryn oryndap, qashyqtyqta jumys jasap júrgenine mine, úsh aıdan asty. Jumys kestesi josparly túrde mańyzdy isterge toly. О́zindik qıyndyqtary bar. Degenmen, árbir áriptesim sapaly zań shyǵarýǵa at salysyp, halqymyzdyń ómir súrý sapasyn arttyrý maqsatynda depýtattyq saýaldar joldaýda.
Jeńisti kúnderimiz kóp bolsyn!
Erjan Qudaıbergen,
QR Parlamenti Májilisiniń depýtaty
