Kez kelgen daǵdarys jańa ıdeıalardyń jańa josparlardyń týyndaýyna alyp keledi. Bul jerde jeke tulǵanyń ekstremaldyq sıtýasııadan shyǵý áreketin utymdy paıdalanyp, ishki psıhologııalyq rezýstaryn qoldana alýy kerek. Sizdiń jaǵdaıyńyz sizdiń jeke basyńyzǵa tikeleı áser etedi.
Sondyqtan da qobaljýdyń sebepteri bar. Biraq eń bastysy, óz-ózińizdi sabyrǵa keltirip jáne boıyńyzda emosıonaldyq turaqtylyqty qalyptastyrý kerek. Stress jaǵdaıynda adam óziniń shynaıylyǵyn joǵaltady. jaǵymsyz emosııalar, qorqynysh jáne erteńgi kúnge senimsizdik jumys jasaýyńyzǵa áser etedi. Osy oraıda daǵdarysty jaǵdaıdan shyǵýda Abaı atyndaǵy QazUPÝ-dyń tájirıbeli psıhology Baqyt Jıgıtbekovanyń birneshe keńesterin usynamyz: naqty ne bolǵanyn jáne daǵdarys sizge jáne sizdiń jaqyndaryńyzǵa qandaı áser etetinin jazyp alyńyz; siz úshin qandaı jaǵdaı áser etýi múmkin ekenin taldańyz; sonda naqtylyq paıda bolyp, sizdiń boıyńyzdan úreı men qorqynysh kete bastaıdy; "Qazir naqty osy jerde" prınsıpine oralyńyz (qandaı is-áreketten bastaımyn, qolymda ne bar ne isteımin?); bolashaqtaǵy is -áreketińizdi pozıtıvti josparlańyz.
