Til jeńimpazdary marapattaldy

Barlyq nárseni jaqsy yrymǵa jorıtyn halyqtyń urpaǵymyz ǵoı, bıylǵy dástúrli dodanyń qorytyndylaý saltanaty qasıetti jumaǵa sáıkes kelgenine ishimiz jylyp qaldy. Onlaın-rejıminde ótken sharaǵa tikeleı qosylýǵa tilek bildirgenderdiń sany kóp boldy. Bárinen kóterińki kóńil kúı esip turdy.  

Mádenıet jáne sport mınıstri Aqtoty Raıymqulovanyń: "Memlekettiń jan-jaqty damýyna, eldiń birligine buqaralyq aqparat quraldarynyń qosar úlesi zor. Bizdiń ortaq maq­satymyz – bir-birimizdi qoldaý, birge áreket etý, eldiń, ekonomıkanyń damýy, áleý­mettik salanyń gúl­denýi, ómir­diń tynyshtyǵy. Sizder, jýrnalıster qaýymy, altyn kópir bolyp kelesizder", dep bastalǵan aqjoltaı Quttyqtaýy qolyna qalam men mıkrofon ustaǵan qaýymdy qanattandyryp jiberdi.  

Álemge jaıylǵan jaǵdaı úmitkerlerdiń shalqar shabytyna tosqaýyl bola almady. Ortalyqtyń Bas dırektory Álibek Asqardyń aıtýynsha, "Bıylǵy konkýrsymyzǵa eshnárse kóleńke túsire alǵan joq, elimizdiń túkpir-túkpirindegi aqparat keńistigindegi "myltyqsyz maıdannyń jaýyngerleri" óz baǵyn synaý úshin shyrqaý kóńilmen, qulshynyspen qatysty. Túsken týyndylardyń ishinde "osy qalaıy" joq, qazaq jýrnalıstıkasyndaǵy tyń izdenisterdiń izi bar".

Elimizdiń túkpir-túkpirindegi 56 jýrnalıstiń 2019 jylǵy 11 maýsym men 2020 jylǵy 3 maýsym aralyǵynda jarııalanǵan 116 materıal talqyǵa tústi.

Atalymdar boıynsha jiktesek:

1. "Úzdik maqala" boıynsha qatysýshylar sany – 24, materıaldar sany – 49;
2. "Úzdik saıt maqalasy" boıynsha qatysýshylar sany – 12, materıaldar sany – 25;
3. "Úzdik radıobaǵdarlama" boıynsha qatysýshylar sany – 11, materıaldar sany – 23;
4. "Úzdik telebaǵdarlama" boıynsha qatysýshylar sany – 9, materıaldar sany – 19.

Bas júlde – 1 mln teńge;

1 oryn (tórt atalym boıynsha) árqaısysyna 500 myń teńge;

II oryn(tórt atalym boıynsha) árqaısysyna 350 myń teńge;

III oryn (tórt atalym boıynsha) árqaısysyna 150 myń teńge;

"Úzdik maqala" nomınasııasy boıynsha:

Simádil Qaragóz Serikqyzy, "Ana tili" gazeti, III oryn, 150 000 tg.

Bektasova Gúlzına Turǵanbaıqyzy, "Aıqyn" respýblıkalyq qoǵamdyq-saıası gazeti, II oryn, 350 000 tg.

Pazylov Orynbek О́temuratuly, "Egemen Qazaqstan", I oryn, 500 000 tg.

"Úzdik saıt maqalasy" nomınasııasy boıynsha:

Ábdýálı Aıan Bekjanuly, "Elorda Aqparat", III oryn, 150 000 tg.

О́ribaı Aıan Bekenuly, "QazAqparat" halyqaralyq aqparat agenttigi, II oryn, 350 000 tg.

Ermuhamed  Máýlen, "Aladop.kz" saıty, I oryn, 500 000 tg.

"Úzdik radıobaǵdarlama" nomınasııasy boıynsha:

Nurmat Mansur, "Shalqar" radıosy, III oryn, 150 000 tg.

Shamsheıitova Aınur Asylhanqyzy, "QAZAQ RADIOLARY" JShS, II oryn, 350 000 tg.

Gúlnur Omarhanqyzy, "Shalqar" radıosy, I oryn, 500 000 tg.

"Úzdik telebaǵdarlama" nomınasııasy boıynsha:     

Qaldybaeva Gúlnur Ǵazızqyzy, "Qazaqstan" RTRK" AQ Mańǵystaý oblystyq fılıaly, III oryn, 150 000 tg.

Kashkınbaeva Janar Toıshanovna, "Aksent" Lısakov telearnasy" JShS, II oryn, 350 000 tg.

Quttybekov Aıbek Quttybekuly, "Jetisý" telearnasy, I oryn, 500 000 tg.

 Bas júlde – Tólebaev Dáýirjan Jumajanuly, "Ana tili" gazeti atynan, 1 000 000 tg.