Mıkelandjelo Pıstoletto bul sımvoldyń ıdeıasyn sońǵy on jyl barysynda damytýda. "Úshinshi jumaq" – bul jasandy dúnıe jáne tabıǵat arasyndaǵy ózara baılanys tepe-teńdigi túrinde iske asyrylatyn adamzattyń úshinshi kezeńi, sonymen birge adamzattyń turaqty damý maqsattaryna jetýge degen umtylysyn kórsetedi. Bul kezeńde alýan elder men ár adamnyń ómirindegi qaıshylyqtardyń kópshiligi planetanyń barlyq turǵyndarynyń aıyrmashylyqtardy jeńýge, turaqty damýǵa jáne beıbitshilikti nyǵaıtýǵa kúsh salýy arqasynda joıylýy múmkin. "Úshinshi jumaq" tujyrymdamasynyń mańyzdy bóligi – ekologııalyq oılaýdy damytý jáne antroposentrlik sanaǵa syn, ol sonymen birge BUU qyzmetiniń negizgi ıdeıalary men baǵyttaryn kórsetedi.
Kórkemóner ınstallıasııasy Nurjol býlvary, Qazaqstan Respýblıkasy Prezıdentiniń rezıdensııasy – Aqorda aldyndaǵy amfıteatrda ornalasady. "Úshinshi jumaq" jobalary osyǵan deıin Lývrda (Parıj), BUU-nyń Jenevadaǵy shtab-páterinde, Eýropalyq Odaq Keńesinde, Mılanda, Tokıoda jáne álemniń kóptegen basqa qalalaryndaǵy kórmelerinde júzege asyrylǵan.
COVID-19 indetiniń jappaı taralýy kezinde "Úshinshi jumaq" qala turǵyndaryna qorshaǵan ortany qorǵaý men utymdy tutynýǵa umtylýdyń mańyzdylyǵyn kórsetetin eskertkish ispettes.
