PÁTERLER JALǴA QALAI BERILEDI?

Sársenbi kúni Astana qalasynyń ákimi Imanǵalı Tasmaǵambetov pen “Samuryq-Qazyna” ulttyq ál-aýqat qory” AQ basqarma tóraǵasy Qaı­rat Kelimbetov Úkimettiń daǵdarysqa qarsy sharalary aıasynda “Samu­ryq-Qazyna” jyljymaıtyn múlik qory” AQ satyp alǵan páterlerdi jalǵa berýge baılanysty yntymaqtastyq jónindegi kelisimge qol qoıdy. Kelisim Astana qalasy turǵyn­da­ryna qor turǵyn úıleriniń qol­je­timdiligin joǵarylatýǵa baǵyt­tal­ǵan. Ol ákimdiktiń Qazaqstan Respýblıkasynyń qoldanystaǵy zań­namalaryna sáıkes Jyljymaı­tyn múlik qoryna turǵyn úıdi qa­jet etetin qala turǵyndarynyń tizimin berýdi qarastyrady. О́z kezeginde Jyljymaıtyn múlik qory turǵyn úılerdi ótkizgen kezde tizimge engen adamdarǵa basymdyq berilýin qamtamasyz etetin bolady. Osylaısha, Jyljymaıtyn múlik qorynyń páterlerin bólý Turǵyn jáne turǵyn emes (kommersııalyq) úı-jaılardy ótkizý erejesine sáı­kes belgilengen tártipte adamnyń tólem qabilettiligi rastalýymen júzege asyrylady. Kelisimge qol qoıý barysynda “Samuryq-Qazyna” jyljymaıtyn múlik qory” AQ basqarma tóraǵasy Ǵosman Ámirın qurylysy Jyl­jy­maı­tyn múlik qorynyń qarajaty esebinen júrgizilip jatqan nysan­dar­daǵy Turǵyn jáne kommer­sııa­lyq (tur­ǵyn emes) úı-jaılardy ót­kizý ere­jesiniń resmı tusaýkeserin jasady. Jyljymaıtyn múlik qory bız­nes, ekonom jáne áleýmet-klastaǵy turǵyn úılerdi eki jolmen – jal­daý jáne jaldaı otyryp satyp alý tásilimen bóletin bolady. Erejege sáıkes satý shartymen jeke tul­ǵa­lar­ǵa tek parkıngter ǵana beriledi. Al kommersııalyq jyljymaıtyn múlikti jaldaý, jaldaı otyryp sa­typ alý jáne tikeleı satý shar­ty­men ótkizý týraly sheshim qabyl­danǵan. Erejeniń birden-bir qaǵıdaty tek tólemge qabiletti, turǵyn úıi joq nemese turǵyn jaǵdaıyn jaq­sar­týdy qajet etetin adamdarǵa ǵana beriledi. Turǵyn úı ryno­gyna alypsatarlyqty boldyrmaý úshin ár ótinim berýshi bir ǵana páter ala alady, sondaı-aq, jaldaı otyryp satyp alý kezinde jalǵa alýshy bas­tapqy 5 jyl ishinde páterdi satyp ala almaıdy. Sonymen qatar, 4 aılyq jaldyq aqysy mólsherinde kepildik ınstıtýty engizilgen. Turǵyn úıdi bólýde 2 tetikti qol­daný qarastyrylǵan. Ol turǵyn úı komıssııasyna “Nur-Otan” HDP, Jyljymaıtyn múlik qory, ákimdik, “Samuryq-Qazyna” UÁAQ, “Atameken” odaǵynyń ókilderin qosý jáne “Samuryq-Qazyna” ult­tyq ál-aýqat qory” AQ qury­ly­my­na arnap kvota belgileý arqyly júzege asyrylady. Erejeniń tolyq mátini “Egemen Qazaqstan” jáne “Kazahstanskaıa pravda” gazetterinde jarııalanyp, sondaı-aq, Jyljymaıtyn múlik qo­rynyń www.kazproperty.kz jáne Astana qalasy ákimdiginiń www.astana.kz resmı saıttaryna ornalastyrylatyn bolady. Ábdirahman QYDYRBEK.