"Túrik sáýlesi" atty onkologııalyq derttermen kúresýge baǵyttalǵan joba Dıarbaqyr qalasynda osydan úsh jyl buryn qolǵa alynǵan kórinedi. Klınıkalyq emdeýde jaqsy jetistikke jetken osy izdenisti álemdi pademııa jaılaǵanda dıarbaqyrlyq júrek-qan tamyrlaryna operasııa jasaýdyń sheberi, hırýrg Hıkmet Selchýk Gedık COVID-19 ben kúreske baǵyttaıdy. Osylaısha ol 46 jastaǵy er adamdy sáýlemen emdep shyǵarǵanyn habarlady.
Ekinshi nátıjeli jumys COVID-19 qarsy jańadan sıntezdelgen dári– Favıkovır (Favicovir). 32 ǵalymnan turatyn komandanyń 40 táýlik kún-tún úzbesten jasaǵan eńbeginiń nátıjesi qazirgi ýaqytta testtik rejımde emde qoldanylyp oń nátıje kórsetip jatyr eken. Túrkııanyń "ATABAY" farmasevtevtıkalyq kompanııasy ony shyǵarýǵa tolyq daıar ekenin jetkizgen. Jáne preparatty tek Túrkııa kóleminde ǵana emes, shetelderge de shyǵarý múmkindigi barlyǵyn aıtqan.
Túrik baýyrlardyń úshinshi bir ıgilikti isi, indet keselinen eki ıininen dem ala almaı, pnevmonııaǵa shaldyqqan pasıentterge kómekke keletin Jasandy tynys alý apparattaryn shyǵarýy. Jańa apparatty ómirge Túrkııanyń qorǵanys salasyndaǵy óndiristik kompanııasynyń biri ákelgen. Jyldyń basynda Eýropa memleketterinen Jasandy tynys alý apparatyn stayp alyp júrgen Túrkııa tez arada óz elin qamtýmen qatar, 2 myńnan astam JTAA eksporttap úlgirgen.
