Basylym nusqasy boıynsha Golovkın men Alvarestiń básekelestigi reıtıngtiń 91-ornyna ornalasqan. Orta salmaqtaǵy eki úzdik boksshynyń teketiresi uzaq ýaqyt jarnamalanyp, 2017 jyldyń qyrkúıeginde bastaldy. Birinshi aıqasqa deıin otandasymyz kásipqoı sharshy alańda 37 jekpe-jek ótkizip, onyń 33-in nokaýtpen aıaqtaǵan edi. Al «Kanelo» Floıd Meıvezerden jeńilgenine qaramastan, sol kezde sportta endi juldyzy jana bastaǵan-dy.
Eki boksshynyń búgingi kúnge deıin jalǵasyp kele jatqan teketiresine alǵashqy eki jekpe-jek sebep boldy dep aıta alamyz. 2017 jyly uıymdastyrylǵan birinshi kezdesýde Golovkın meksıkalyq qarsylasynan 12 raýndtyń 10-ynda basym túskenimen, tóreshilerdiń sheshimimen aıqas teń aıaqtaldy. Bir jyldan keıin match-revansh bolyp, bul joly Alvares jeńiske jetti. Jekpe-jektiń ádil ótpegenine narazy bolǵan jankúıerler eki boksshynyń úshinshi ret judyryqtasqanyn qalaıdy. Qazirgi tańda taraptar úshinshi jekpe-jektiń qashan ótetinin talqylap jatyr.
